Zelenski Makronla Rusiyanın nüvə şantajını MÜZAKİRƏ ETDİ

Ukrayna Prezidenti Volodimir Zelenski Fransa prezidenti Emmanuel Makronla Rusiyanın nüvə şantajını müzakirə edib.

Publika.az xəbər verir ki, bu barədə Zelenski "Facebook"da məlumat verib .

"Fransa prezidenti Emmanuel Makronla danışdım. Biz Ukraynaya müdafiə dəstəyinin gücləndirilməsinin vacibliyini müzakirə etdik. Rusiyanın nüvə şantajı mövzusuna toxunaraq, biz Zaporojjya AES-dəki vəziyyəti, onun dərhal demilitarizasiyasını müzakirə etdik", - Zelenski bildirib.

O, qanunsuz referendumları, Ukrayna ərazilərinin Rusiya Federasiyasının tərkibinə daxil edilməsi cəhdlərini qətiyyətlə pislədiyinə görə Makrona təşəkkür edib.

“Biz Rusiyanın qeyri-qanuni hərəkətləri ilə bağlı dünyadan sərt reaksiya gözləyirik, xüsusən də sanksiyalar təzyiqini artıraraq”, - deyə Zelenski vurğulayıb .

Liderlər cəbhədəki vəziyyəti və Ukrayna Silahlı Qüvvələrinin Ukrayna ərazilərinin azad edilməsində əldə etdiyi yeni uğurları da müzakirə ediblər.

Zelenski Fransadan Ukraynaya müdafiə dəstəyinin artırılmasının vacibliyini vurğulayıb və Emmanuel Makronun bunda mühüm şəxsi rolunu qeyd edib.

Rusiyanın dünyanı nüvə şantajı mövzusunu xatırladan tərəflər ayrı-ayrılıqda Milli Atom Elektrik Stansiyasının baş direktoru İqor Muraşovun Rusiya hakimiyyəti tərəfindən qanunsuz saxlanmasına diqqət çəkib və onun azadlığa buraxılmasına çağırıblar.

Ukraynanın təhlükəsizliyinə təminat verilməsi zərurəti kontekstində Zelenski Ukraynanın NATO-ya üzvlüklə bağlı müraciəti məsələsinə toxunub.

Liderlər gələn həftə Praqada Avropa siyasi ictimaiyyətinin sammitinin və Avropa Şurasının qeyri-rəsmi iclasının keçirilməsini müzakirə ediblər ki, bu da Rusiyanın növbəti təcavüz aktlarının birgə qiymətləndirilməsi və müvafiq qərarların hazırlanması üçün fürsət olacaq.

Hüseyn İbadlı