Avropa

Ukrayna ordusu 10 iranlı təlimatçını MƏHV ETDİ - KİV

21 Oktyabr 2022 20:24

Ukraynada ruslara pilotsuz təyyarələrin buraxılması ilə bağlı məsləhətlər verən 10 iranlı təlimatçı artıq məhv edilib.

Publika.az xəbər verir ki, bu barədə “The Jerusalem Post” Ukraynanın adının açıqlanmayan rəsmi nümayəndəsinə istinadən yazır.

Qəzet Ukrayna Milli Müqavimət Mərkəzinin mesajına istinadən yazır ki, Rusiya “Şahed-136” kamikadze pilotsuz təyyarələrini işə salmaq və rus işğalçılarına onlarla işləməyi öyrətmək üçün müvəqqəti işğal olunmuş Xerson vilayəti və Krıma iranlı təlimatçılar çatdırıblar.

Qeyd olunub ki, təlimatçılar birbaşa olaraq Ukraynanın mülki hədəflərinə pilotsuz təyyarələrin buraxılmasına, o cümlədən Nikolayev və Odessaya zərbələrə nəzarət edirlər.

Hüseyn İbadlı