Avropa

Aİ Türkiyə ilə bağlı mövqeyini dəyişir? - Hesabat hazırlayır

3 Oktyabr 2023 00:55

Aİ Türkiyə ilə münasibətlər və ölkənin üzvlük danışıqları ilə bağlı hesabat hazırlayır.

Publika.az xarici mediaya istinadən xəbər verir ki, Avropa Komissiyası Ankara ilə strateji əlaqələrdə maraqlıdır və müvafiq hesabatlar hazırlayır. Bu barədə AK nümayəndəsi Ana Pisonero Brüsseldə keçirdiyi brifinqdə bildirib.

“Aİ Şərqi Aralıq dənizində təhlükəsiz mühitin yaradılmasında Türkiyə, onun xalqı ilə qarşılıqlı faydalı əməkdaşlıqda strateji cəhətdən maraqlıdır... Avropa Xarici Fəaliyyət Xidməti və Avropa Komissiyası bu barədə hesabat üzərində işə başlayıb” - deyə o qeyd edib.

Pisoneronun sözlərinə görə, bu hesabat əlaqələrin inkişafı strategiyasını və bunun üçün alətləri müəyyən etməlidir.

Xatırladaq ki, bazar günü Türkiyə prezidenti R.T.Ərdoğan ölkəsinin Avropa İttifaqından heç nə gözləmədiyini vurğulayıb. O, həmçinin Brüsselin Türkiyənin Aİ-yə üzvlüyü ilə bağlı qərəzli mövqeyini tənqid edib.

Mehti Kamiloğlu