Avropa

Rusiya naminə dəstək: Şoltsun rəqibləri fikrini dəyişdi

13 Dekabr 2024 14:36

Almaniyanın kansleri Olaf Şoltsun siyasi rəqibləri Rusiya ilə münasibətlərin daha da gərginləşməsinin qarşısını almaq üçün onu dəstəkləmək qərarına gəliblər.

Publika.az xəbər verir ki, bu barədə “Politico” məlumat yayıb.

Dekabrın 16-da Bundestaq Şolts hökumətinə etimad məsələsini müzakirə edəcək. Lakin ona qarşı etimadsızlıq səsi verilərsə, o zaman 2025-ci ilin fevralında növbədənkənar seçkilər keçiriləcək.

İlkin məlumata görə, 733 qanunverici Şoltsa etimadsızlıq səsi verməyə hazırlaşır.

Almaniya üçün Alternativ (AfD) partiyasının bəzi deputatları artıq mövqelərini açıqlayıblar. Onlar indiki kansleri dəstəkləməyə hazırlaşırlar, çünki onlar Xristian Demokratik İttifaqından Fridrix Merzin hakimiyyətə gəlməsinin Almaniyanı silahlı münaqişəyə sürükləyə biləcəyindən ehtiyat edirlər.

Adəm Abbaslı