Avropa

Makron qərarının səhv olduğunu etiraf etdi: “Mən məsuliyyət daşıyıram”

1 Yanvar 2025 17:12

Fransa prezidenti Emmanuel Makron Yeni il günü xalqa müraciət edərək, bu il Milli Assambleyanı (parlamentin aşağı palatası) buraxmaq qərarının səhv olduğunu etiraf edib.

Publika.az xəbər verir ki, onun sözlərinə görə, bu, siyasi böhranın həllinə kömək etməli idi, lakin sonda daha böyük qeyri-sabitlik yaradıb.

"Ağıllılıq və təvazökarlıq bizdən etiraf etməyi tələb edir ki, hazırda bu qərar sakitlikdən daha çox qeyri-sabitlik yaradıb və mən buna görə tam məsuliyyəti öz üzərimə götürürəm ”, - Fransa prezidenti bildirib.

Makron hesab edir ki, hətta indiki konfiqurasiyasında parlament bütün müxtəlifliyi ilə Fransanı təmsil edir. O ümid edir ki, deputatlar ölkənin normal idarə olunması üçün çoxluq təşkil edə biləcəklər. Makron hökumətin kompromis həll yoluna gələ biləcəyinə də əmindir.

Akqabay