NATO TƏŞVİŞ İÇİNDƏ: Britaniya asanlıqla vurula bilər

Böyük Britaniyadakı hərbi qurğular potensial düşmənlər üçün asan hədəf ola bilər, çünki London raketdən müdafiə üçün lazımi vəsait ayırmayıb.

Publika.az xəbər verir ki, bu barədə mənbələrə istinadla “The Sunday Times” məlumat yayıb.

Nəşr qeyd edir ki, zəifliklər Şimali Atlantika Alyansının ekspertləri tərəfindən aparılan auditin bir hissəsi kimi müəyyən edilib.

Mənbənin sözlərinə görə, Böyük Britaniyanın hava hücumundan müdafiə sistemi kövrəkdir, çünki 30 il ərzində heç kim buna ehtiyac olacağını düşünmürdü. Nəşrin həmsöhbəti vurğulayıb ki, Ukrayna və İsraildə baş verənlər bunun əksini göstərir.

O əlavə edib ki, insanlar Britaniyanın təhlükədə olduğunu düşünmürlər, lakin bu gün vəziyyət belədir.

Noyabrda krallığın müdafiə departamentinin rəhbəri Con Healy bildirib ki, Böyük Britaniya silahlı qüvvələrini azaltmaq qərarına gəlib, Müdafiə Nazirliyi onlarla helikopter və dörd böyük döyüş gəmisindən imtina edəcək.

Healy heç kimin ixtisar olunmayacağına və heyətin yenidən yerləşəcəyinə və ya yenidən hazırlanacağına əmin edib.

Hüseyn İbadlı