Baş naziri qucaqlamaq üçün 4500 AVROSUNDAN KEÇDİ

Almaniyanın Frankfurt am Main şəhərinin məhkəməsi narkotik maddənin təsiri altında Almaniya kansleri Olaf Şoltsı qucaqlayan bir kişini 4500 avro cərimələyib.

Publika.az DPA-ya istinadla xəbər verir ki, o, sürücülük vəsiqəsindən də məhrum edilib .

"Çərşənbə axşamı Frankfurt vilayət məhkəməsi həmin şəxsi yol hərəkəti qaydalarını pozmaqda və sərhədi pozmaqda təqsirli bilib, onu 4500 avro cərimələyib və iki il yarım müddətinə sürücülük vəsiqəsindən məhrum edib", - nəşr yazır.

Hadisə 2023-cü ilin may ayında baş verib. Qanunsuz maddələrin təsiri altında olan şəxs sakitcə öz avtomobili ilə Şoltsın kortejinə qoşulub və onunla birlikdə Frankfurt Hava Limanında asfaltda dayanıb. Bundan sonra o, maşından düşüb, hökumət təyyarəsinə minmək üzrə olan kanslerə yaxınlaşıb, onun əlini sıxıb və qucaqlayıb.

Cinayəti törədən şəxs yerindəcə saxlanılıb. Sonra o, Şoltsın ​​kortejini toy korteji ilə səhv saldığını etiraf edib. Məhkəmədə həmin şəxs baş verənlərə görə bağışlanmasını istəyib.

Şolts özü isə hadisəyə sakit reaksiya verib. Lakin Almaniya Daxili İşlər Nazirliyi bu vəziyyəti qəbuledilməz adlandırıb və siyasətçinin təhlükəsizliyindən ciddi narahat olub.

Hüseyn İbadlı