Avropa

Papanın son sözləri ortaya çıxdı: Görün nə deyib

22 Aprel 2025 17:54

Papa Fransiskin son sözləri tibb bacısı Massimiliano Strappettiyə təşəkkür olub. O, Pasxa mərasimindən sonra pontifikanı Müqəddəs Pyotr meydanını gəzməyə razı salıb.

Publika.az xəbər verir ki, bu barədə "Vatican News" yazıb.

"Səncə, mən bunu edə bilərəmmi?" Fransisk tibb bacısından soruşub. Strappetti Papanı sakitləşdirib və onunla görüşü səbirsizliklə gözləyən dindarlara özünü göstərməyi tövsiyə edib.

"Məni yenidən meydana gətirdiyiniz üçün təşəkkür edirəm", - Papa daha sonra tibb bacısına təşəkkür edib.

Nəşr qeyd edib ki, 2022-ci ildə Strappetti Roma Papasını bağırsaq əməliyyatına razı salaraq xilas edib.

Xatırladaq ki, Fransisk aprelin 21-də 88 yaşında ürəyinin dayanmasına səbəb olan insultdan dünyasını dəyişib. Bundan əvvəl o, pnevmoniyadan müalicə olunurdu. Papa katoliklərin və pravoslavların 11 ildən sonra ilk dəfə eyni gündə qeyd etdikləri Pasxa bayramının ertəsi günü vəfat edib.

Akqabay