Avropa

Bu ölkənin prezidenti Parisdə yoxa çıxıb: Keçmiş nazir şok detalları açıqladı

24 Aprel 2025 09:30

Kolumbiyanın keçmiş xarici işlər naziri Alvaro Leiva ölkənin hazırkı prezidenti Qustavo Petronu narkomaniyada ittiham edib.

Publika.az xəbər verir ki, keçmiş nazir bununla bağlı sosial şəbəkədə yazıb.

Siyasətçi bildirib ki, Kolumbiya liderinin asılılığı hələ 2023-cü ildə Fransaya səfəri zamanı tam iki gün qəfil gözdən itdikdən sonra aydın olub.

Leiva yazıb: “Sizin yoxa çıxmağınız, gecikməyiniz, qəbuledilməz yoxluğunuz, məqsədsiz səfərləriniz, tutarsız çıxışlarınız və saxladığınız şübhəli şirkət diqqət çəkib və bundan sonra da diqqət çəkəcək”.

Keçmiş nazir onu da vurğulayıb ki, bir çoxları Petronun depressiyaya, tənhalığa, narahatlıq keçirməyə və “öhdəsindən gəlmək çətin olan” digər şərtlərə necə düşdüyünü görüblər. Ancaq cavab belə olub: Petro 7/24 Fransa məxfi xidməti tərəfindən mühafizə olunduğunu bildirdi. O, iki il əvvəl Parisdə bir neçə gün yoxa çıxdı, ancaq ailəsini görmək üçün.

Akqabay