Avropa

Kraldan çağırış: Dişimizə qədər silahlanmalıyıq

25 Aprel 2025 12:26

Niderland yeni hərbi çağırışlara hazır olmalı və təhlükəsizliyini təmin etmək üçün “dişinə qədər silahlanmalıdır”.

Publika.az xəbər verir ki, bunu kral Villem-Aleksandr Vredepieldə (Limburq əyaləti) ukraynalı hərbçilərin təlim keçdiyi kazarmalara səfəri zamanı deyib.

"Ola bilsin ki, biz azadlığı və sülhü çox uzun müddətdir təbii qəbul etmişik. Lakin Ukraynadakı müharibə və digər münaqişələr açıq şəkildə göstərir ki, bu, artıq belə deyil. Hazır olmalıyıq, əks halda işlər pis olacaq", - NOS kralın sözlərini sitat gətirib.

Villem-Aleksander qeyd edib ki, Niderland təkcə müdafiəsini gücləndirməməli, həm də yenidən silahlanma ilə ciddi məşğul olmalıdır. Onun sözlərinə görə, ölkənin müdafiə sənayesi bir daha real hərbi münaqişə şəraitində lazım olan texnika və silahları istehsal etmək gücündə olmalıdır.

Tural