Hitlerin intiharı ilə bağlı ŞOK DETALLAR - Yeni arxiv sənədlər AÇIQLANDI

Rusiya Federal Təhlükəsizlik Xidməti Adolf Hitlerin şəxsi valeti, Üçüncü Reyxin başçısının ölümünün əsas şahidi Haynts Lingenin məxfi ifadəsini açıqlayıb.

Publika.az xəbər verir ki, bu barədə TASS məlumat yayıb.

1945-ci ildə sorğu-sual zamanı 32 yaşlı Linqe deyib ki, Nasional Sosialist Alman Fəhlə Partiyasının (NAFP) kanslerlərinin rəhbəri və Fürerin şəxsi katibi Martin Bormannla birlikdə Hitlerin cəsədini görünməsin deyə ədyala büküblər.

“Mən cəsədi ayaqlarından, Bormanı isə başından tutdu və biz onu bomba sığınacağının arxa girişindən parka apardıq. Orada onu girişə qoyduq”, - o deyib.

Hitler 30 aprel 1945-ci ildə Berlində sovet qoşunlarının əhatəsində intihar edib. Onun taleyini Fürerin bir gün əvvəl evləndiyi Eva Braun bölüşüb.

Rəsmi versiyaya görə, intihar edən Adolf Hitlerin qalıqları 1945-ci ilin mayında Sovet əks-kəşfiyyat xidməti "Smerş" tərəfindən tapılıb. Fürer və onun həyat yoldaşı Eva Braunun yandırılmış cəsədləri Maqdeburqdakı hərbi bazada qazılaraq yenidən basdırılıb. Lakin 1970-ci ildə DTK rəisi Yuri Andropov Leonid Brejnevə yanan qalıqların yenidən yandırılmasını təklif edib. Ancaq o zaman da hər şey məhv edilməyib.

Hüseyn İbadlı