Avropa

Melaniya Trampın heykəli YOXA ÇIXDI: topuq nahiyəsindən kəsiblər - FOTO

15 May 2025 20:12

ABŞ Prezidenti Donald Trampın həyat yoldaşı Melaniya Trampın şərəfinə Sloveniyada qoyulmuş bürünc heykəl itib.

Publika.az xəbər verir ki, bu barədə AFP məlumat yayıb.

Bildirilib ki, heykəl xüsusi mülkiyyətdə olub. O, hasara alınıb, lakin təcavüzkarlar obyektə yaxınlaşa biliblər.

Hüquq-mühafizə orqanlarının əməkdaşları və heykəlin müəllifi Bred Dauninin bildirdiyinə görə, naməlum şəxslər heykəli topuq nahiyəsindən kəsərək naməlum istiqamətə aparıblar.

"Oğurluq barədə mayın 13-də məlumat verilib və polis əməkdaşları dərhal hadisə yerinə gedib və araşdırmalara başlayıblar", - yerli hüquq-mühafizə orqanlarının katibi Alenka Drenik Rangus bildirib.

Melaniya Trampın şərəfinə onun doğulduğu Sevnitsa şəhərində heykəl ucaldılıb. Əvvəlcə burada taxta heykəl qoyulub, lakin yanğın zamanı zədələnib. Nəşr qeyd edib ki, bununla əlaqədar 2020-ci ildə kənddə heykəlin bürünc nüsxəsi quraşdırılıb.

Hüseyn İbadlı