Bu ölkə təslim oldu: 4 ildən sonra Rusiyadan qaz alışını bərpa etdi

İspaniya sentyabr ayında dörd ildən sonra ilk dəfə Rusiyadan mayeləşdirilmiş təbii qazının alışına başlayıb.

Publika.az xəbər verir ki, bu barədə İspaniyanın enerji şirkəti “Enagas”ın hesabatında bildirilir.

Dərc olunmuş statistikaya görə, ölkə ay ərzində Rusiyadan 2086 GVt/saat mayeləşdirilmiş təbii qaz alıb ki, bu da onun ümumi idxalının 6,4%-ni təşkil edir və Rusiyanı oktyabr ayında dördüncü ən böyük qaz tədarükçüsü edir.

Oktyabr ayında göndərilən malların ümumi həcminə görə ABŞ liderlik edərək bütün alışların 44,3%-ni təşkil edib. Əlcəzair 30,6% payla ikinci, Portuqaliya isə 6,9% payla üçüncü yerdə qərarlaşıb.

2026-cı ilin ilk on ayında Rusiya İspaniyanın əsas qaz tərəfdaşları arasında ümumi payı 14,3% və ya 43.662 GVt/saat olmaqla üçüncü yeri tutur. Əlcəzair təchizatın 33,9%-ni, ABŞ isə 32,2%-ni təşkil etməklə öndədir.

İlin əvvəlindən bəri İspaniya 15 ölkədən təbii qaz idxal edib. Rusiyadan əlavə, təchizatçıların siyahısına Nigeriya, Fransa, Norveç və Türkiyə daxildir, lakin hər bir ölkə üçün dəqiq alış həcmləri ictimaiyyətə açıqlanmır.

İspaniya Rusiya qazını boru kəmərləri vasitəsilə almır, mayeləşdirilmiş təbii qaz alışı spot bazarda həyata keçirilir. Ölkə 2026-cı ildən bəri ABŞ-dan mayeləşdirilmiş təbii qaz idxalını əhəmiyyətli dərəcədə artırıb.

Müəllif: Tural