Makron gedir, Avropa Siyasi Birliyi dağılır?

Bəzi avropalı diplomatlar və rəsmilər Fransa prezidenti Emmanuel Makronun 2027-ci ildə vəzifəsini tərk etməsindən sonra Avropa Siyasi Birliyinin fəaliyyətini dayandıracağını gözləyirlər.

Publika.az xəbər verir ki, bu barədə “Politico” nəşri mənbələrə istinadən məlumat yayıb.

Bir sıra Avropa liderləri Makronun təşəbbüsü ilə yaradılan bu platformadan narazıdır və onu nəticəsiz müzakirələr meydanı hesab edirlər.

Bununla belə, Yelisey sarayında və Avropa İttifaqının qurumlarında bu tənqidlər qəbul edilmir. Bildirilib ki, Avropa Siyasi Birliyinin sammitləri artıq 2028-ci ilin sonunadək planlaşdırılıb. Görüşlərin İsveçrə, Yunanıstan, Azərbaycan və Latviyada keçirilməsi gözlənilir.

Noyabrın 12-də Dublində açılacaq sammitdə Avropa Şurasının prezidenti Antonio Koşta, İrlandiyanın baş naziri Mixol Martin və Ukrayna prezidenti Vladimir Zelenskinin çıxış edəcəyi bildirilir.

Birgə plenar iclasda əsas diqqət Ukraynaya və Avropanın təhlükəsizliyinə yönələcək. Nəşrin məlumatına görə, Avropa Siyasi Birliyinin genişləndirilməsi məsələsi isə müzakirə olunmayacaq.

Müəllif: Adəm