Tramp Putinin şərtlərinə razılaşacaq? - Avropada ciddi narahatlıq

Avropa Rusiya prezidenti Vladimir Putinin ABŞ lideri Donald Trampı Ukrayna üçün əlverişsiz sülh sazişinə razı salacağından ehtiyat edir.

Publika.az xəbər verir ki, bu barədə “Associated Press” agentliyi məlumat yayıb.

“Avropa liderləri Rusiya prezidenti Vladimir Putinin Trampa təzyiq göstərərək onu təkcə Ukraynanın deyil, bütövlükdə Avropanın təhlükəsizliyinin zəifləməsinə səbəb olacaq sülh razılaşmasını dəstəkləməyə inandıracağından narahatdırlar”, - deyə nəşrdə bildirilib.

Agentliyin məlumatına görə, Avropa siyasətçiləri ABŞ-a etibar etmirlər. Buna səbəb Trampın ticarət, Qrenlandiya, eləcə də İran və Ukraynadakı münaqişələrlə bağlı bir sıra gərgin fikir ayrılıqlarından sonra danışıqlarda Avropanı təmsil edəcək olmasıdır.

O da qeyd olunub ki, Avropa Ukrayna münaqişəsinin nizamlanması üzrə danışıqları aparmaq üçün öz nümayəndəsini müəyyənləşdirməyə çalışır. Eyni zamanda, ABŞ-ın dəstəklədiyi sülh prosesinin Avropanı kənarda qoyacağından və Ukraynanın mövqelərini zəiflədəcəyindən narahatdır.

Müəllif: Valeh