Bilgi.az

Heyvanlara analıq edən qadınlar – VİDEO/ FOTOLAR

15 Dekabr 2015 04:16

Braziliyada yaşayan amazon qəbilələri ilə bağlı maraqlı və təəccüb doğruan faktlar ortaya çıxıb.

Publika.az xarici mediaya istinadən xəbər verir ki, əslində qəbilə üzvlərinin gizli ənənləri çoxdan var imiş. Lakin onlar ətraf aləmdən təcrid olunduqlarından, habelə, bu etnosların həyatı yetərincə öyrənilmədiyindən yenciə aşkarlanan qədim ənənələr çoxlarını şoka salıb.

Braziliyada yaşayan hindi qəbiləsi də belələrindəndir. Belə ki, qəbiənin körpələrinə ana südü verən qadınları öz övladları ilə yanaşı, ərazidəki müxtəlif növ heyvanlara da öz döşlərindən süd verirlər. Qədim ənənəyə əsasən ana olmuş qadınlar heyvanları da öz südləri ilə bəsləməlidirlər.

Bir çox sirləri özündə saxlayan Amazon cəngəlliklərindəki heyvanlara insan südü verən qəbilələrdən birinin – Avanın fotolarını çəkmiş fotoqraf Domeniko Pulezye bunları deyib: "Qadınlar körpələri ilə yanaşı, dələləri və meymunları da öz südləri ilə yemləyirlər. Onlar təbiətə bu qədər yaxındırlar. Hətta deyərdim ki, yaxın yox, vəhşi təbiətin bir hissəsidirlər".

Yeri gəlmişkən, Ava qəbiləsi Yer üzündən silinmək ərəfəsindədir. Bu gün həmin etnik qrupun cəmi 350 üzvü qalıb. Onlardan 100-ü heç vaxt cəngəllikdən kənara çıxmayıb və ətraf aləmi görməyib.

Anar Tağıyev