Mətbəx sirləri: barmaq kababı
Bizi izləyin

Bilgi.az

Mətbəx sirləri: barmaq kababı

Publika.az "Sofra" dərgisinə istinadən "Barmaq kababı"nın hazırlanma qaydasını təqdim edir.

Tərkibi:

700 q mal və ya quzu əti
200 q kərə yağı
2 baş soğan
2 x.q. tomat pastası
3 badımcan
6 acı istiot
su
0,5 dəstə cəfəri
3 pomidor
duz
istiot
kəklikotu
bitki yağı

Əti quşbaşından bir az iri doğrayıb yuyun. 2 st. su ilə bişirib bir kənara qoyun.

Kərə yağında xırda doğranmış soğanı qovurun. Tomat pastası və əti əlavə edin. 2-3 dəqiqə qovurduqdan sonra 2 st. su əlavə edin, duz vurub 20-25 dəqiqə orta itilikli ocaqda bişirin.

Badımcan və istiotları 5 sm uzunluqda doğrayın. Badımcanları duzlu suda saxlayıb acısını çıxarın. Süzüb quruladıqdan sonra bitki yağında qovurun.

Sonra həmin yağda istiotları da qovurun.

Əti xırda küpələrə paylaşdırın. Üzərinə kəklikotu və qara istiot səpin. Qızarmış badımcan və istiotları əlavə edib cəfəri səpin. Ən üstdə halqa doğranmış pomidorları yerləşdirin.

180 dərəcə qızdırılmış sobada 15 dəqiqə bişirin.

Nuş olsun!

Oxumağa davam et
Reklam
Reklam

Gündəm