Bilgi.az
“Sevginin düsturunu öyrənmək istərdim...” - BEŞMƏRTƏBƏ
Dəyişmək istərdinizmi?
1. İllərin sürətini...
- Hə. Hər gün ən azı 10 yeni fikir, planla yuxudan durub, 15 yenisini fikirləşə-fikirləşə yatıram...
2. Çevrənizi...
- Hə. Təsadüfi, sadəcə məndən faydalanmağa çalışan adamlar çoxdur ətrafımda...
3. Adınızı...
- Yox. Adıma öyrəşmişəm.
4. Yaşınızı...
- Yox. Ancaq psixoloji yaşım həmişə bioloji yaşımı ən azı 5-10 il üstələyib.
5. Bədəninizi...
- Hə... Arıqlamaq pis olmazdı.
Görüşməyi arzulardınızmı?
1. Yadplanetlilərlə...
- Yox. Mən materialistəm, gözümlə görmədiklərimin mövcudluğuna inanmıram.
2. İlk sevginizlə (ilk sevdiyinizlə)...
- Yox. Açığı, deyəsən olmayıb axı ilk sevgim...Sevməyi bacarmadım heç...
3. Məhəmməd Füzuli ilə...
- Hə. Onun bu qədər hərarətlə vəsf etdiyi sevginin düsturunu öyrənmək üçün...
4. Vanqa nənə ilə...
- Yox. Keçmişimi onsuz da bilirəm, gələcəyimin konturlarını isə özüm cızmaq istəyirəm.
5. İlk insan olan Adəmlə...
- Yox. Həvva məndən əvvəl artıq yoldan çıxarıb onu...
Darıxırsızmı?
1. Uşaqlığınız üçün...
- Hə!!! 20 qəpiklik süd dadan dondurmalar, monpansye şüşə konfetlər, sürmək üçün növbəyə durduğumuz velosipedlər, “Gecəniz xeyrə qalsın, körpələr” – verilişi, açıq qoyaraq qorxmadan yatdığımız qapılar və indio ən böyük defisitə çevrilmiş geniş ürəklər üçün darıxıram çox...
2. Uzaq bir yer üçün...
- Hə. Telefonsuz, istənilən kommunikasiyasız, hələ də qarlı uzaq-uzaq yerlər arzusundayam...
3. Dünyasını dəyişmiş kimsədən ötrü...
- Hə. Nənəm, onun müdrik məsləhətlərindən ötrü yaman darıxıram.
4. Gələcəyi gözləməkdən...
- Yox. Gələcək onsuz da gələcək.
5. Bəzən izahsız...
- Hə. Depressiyada olanda...
Oxuya bilirsizmi?
1. Hər gün kitab...
- Hə. Oxumaq, oxumaq və yenə də oxumağa elə vərdiş ediblər ki, bizi.
2. Hər səhər qəzet...
- Yox. Çünki qəzetlərin on-line versiyasını oxuyuram.
3. Elektron material...
- Hə. Həyat özü sanki elektronlaşıb, avtomatlaşıb, virtuallaşıb.
4. Mahnı...
- Hə. Ayda-ildə bir dəfə karaokedə.
5. İnsanları üzündən...
- Yox... İnsanlar zombiləşib...
İnanırsızmı?
1. Sevdiyinizə yüz faiz...
- Yox. Sevgi özü də nisbidir.
2. Bəşəriyyətin xoşbəxt gələcəyinə...
- Yox. Nisbilikləri absurd sayıram...
3. Allaha...
- Yeganə sualdır ki, nə hə, nə də yox cavabını verəcəyimi bilmirəm və acizəm bu seçim qarşısında...(kim bilir, bəlkə də bu sualın predmeti qarşısında)
4. İlk dəfə rastlaşdığınız adamın vədlərinə...
- Yox. Uşaq deyiləm ki...
5. “Siz hamıdan yaxşı adamsınız” sözünə...
- Yox!.Saxtalıqlar və saxta münasibətlər o qədər çoxalıb ki...
Publika.Az
-
Ekopublika.az08:35
Azərbaycanda yumurta kəskin ucuzlaşdı - SƏBƏB
-
Nida Xəbər 07:50
Blinken Azərbaycanın kəndlərinin qaytarılması ilə bağlı razılaşmanı alqışladı
-
Magazin107:25
Azərbaycanlı aktrisa əzələlərini nümayiş etdirdi - FOTOLAR
-
İdman03:18
“Mançester Yunayted”in ən seksual azarkeşi - FOTOLAR
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO