Bilgi.az

Müəmmalı dəliklər alimləri çaşbaş saldı – FOTOLAR

24 Fevral 2015 18:30

Rusiyanın Sibir əyalətində "iri dəlik müəmması" haqda verilən xəbərlər hələ keçən ildən məlumdur. Yer üstündə açılan nəhəng dəliyin qlobal istiləşmə nəticəsində qaz püskürməsindən yarandığı deyilirdi.

Publika.az xarici mətbuata istinadən xəbər verir ki, keçən il Yamal yarımadasında tapılan dəliyin yanında daha dördü aşkar edilib. Artan temperatur buzlaşmış torpağı əridir və nəticədə metan qazı yer üzünə çıxaraq, kraterlərin yaranmasına səbəb olur.

Tapılan hər 4 kraterin diametri əvvəlki dəliyin diametrindən kiçikdir. Bununla belə, mütəxəssislər 30 belə dəliyin yaranacağını proqnozlaşdırır. Alimlər hələ də kraterlərin yaranmasını dəqiqliyi ilə izah edə bilmir.

Krater müəmmasını araşdıran professor Boqoyavlenski deyib: "Arktik ərazidə bizə məlum olan 7 belə krater mövcuddur. Onlardan 5-i Yamal yarımadasında, 1-i Yamal muxtariyyətində, 1-i isə Taymır yarımadasının yaxınlığında yerləşən Krasnoyarsk əyalətində yerləşir. Onlardan 4-ü helikopter, 3-ü isə şimal maralı ovçuları tərəfindən aşkar edilib. Lakin əminəm ki, Yamal yarımadasında dəliklərin sayı daha çoxdur. Mən bunu göbələyə bənzədirəm. Əgər bir göbələk tapırsınızsa, əmin olun ki, onun yanında bir neçə göbələk də var. Güman edirəm ki, dəliklərin sayı 20-30-dur. Biz insanları qorxutmaq istəmirik, lakin bu, ciddi problemdir. Növbəti fəlakətin qarşısını almaq üçün bunun səbəbini tapmalıyıq".

Nura