Bilgi.az

Ər arvadını 10 ildən sonra ilk dəfə görə bildi - FOTOLAR/VİDEO

27 Fevral 2015 09:55

Amerikalı gözdən əlil Allen Zderaredin videosu, demək olar ki, internetdə rekord həddə çatıb.

Publika.az xarici mətbuata istinadən xəbər verir ki, Allen "bionik gözlərin" köməkliyi ilə 10 ildən sonra ilk dəfə olaraq sevimli arvadını görə bilib.

Hələ 20 il bundan qabaq onun görmə qabiliyyəti pisləşməyə başlayıb. Ona tor qişa iltihabı diaqnozu qoyulub. Hazırda bu xəstəlik müasir dövrdə effektli şəkildə müalicə olunur. 10 il bundan qabaq isə Allen tamamilə görmə qabiliyyətini itirdi.

Beləliklə də, "Second Sight" (İkinci görmə) sistemi ilə Allenin görmə qabiliyyəti bərpa olunaraq kölgə və formaları görməyə başlayıb. O hətta güzgüdə öz əksini də görə bilib.

Xüsusi avadanlığın köməkliyi ilə 10 ildən sonra Allen ilk dəfə arvadını görüb. Avadanlıq Mayo klinikasında hazırlanıb və ona bionik implant göz adı verilib.

Təqaüdçü Alleninin arvadını görüb ağlaması isə bir çoxlarına təsir edib. Videoya bir neçə gün ərzində 230 min insan baxıb.

Nura