Şekspirin qəbri açılır: Alimlər “ölüm, ya olum” sualı qarşısında
Bizi izləyin

Bilgi.az

Şekspirin qəbri açılır: Alimlər “ölüm, ya olum” sualı qarşısında

İngilis klassiki Uilyam Şekspirin həyatını daha da öyrənmək üçün alimlər onun qəbrinin açılmasını israr edir.

Publika.az xarici mətbuata istinadən xəbər verir ki, kral III Riçardın DNT analizindən əldə edilmiş uğurlu nəticələrdən sonra belə bir qənaətə gəlib. Yohannesburqda yerləşən Vitvatersrand universitetindən Frensis Tekkerey deyib: "Şekspirin qəbrinin açılması mənim üçün çox maraqlıdır. III Riçardın sümükləri üzərində aparılmış uğurlu təcrübəni nəzərə alaraq, Şekspirin DNT analizində də potensial görürəm".

Tekkereyin fikrincə, dramaturqun sümükləri onun həyatı ilə bağlı yeni faktları üzə çıxaracaq və onun necə qidalanması haqda məlumatlar verəcək. Bundan əlavə, DNT analizi dahi yazarın marixuana çəkib-çəkmədiyi haqda gəzişən söhbətlərə də son qoyacaq.

Amma alimləri götür-qoy etməyə məcbur edən Şekspirin qəbri üzərində yazılan sözlərdir. Qeyd edək ki, dahi klassikin məzar daşında yazılıb: "Mehriban dost, Allah adından, sümüklərimə toxunma. Onlara toxunan lənətə gəlsin". Bununla belə, alimlər Şekspirin vəsiyyətini pozaraq onun qəbrini açmaq qərarına gəlib. Çünki vəsiyyətnamədə onun dişləri qeyd olunmur. DNT analizini isə dahi yazarın dişlərindən də götürmək olar.

Nura

Oxumağa davam et
Reklam
Reklam

Gündəm