Gözəlləşmək üçün ilan yedilər - VİDEO

İndoneziyada yaşayan çinlilər, insan dərisini qoruyaraq gözəlləşdirdiyini və qanın təmizlənməsinə köməkçi olduğunu düşündükləri üçün ilan yeyirlər.

Musavat.com xəbər verir ki, bu kimi ilan yeməklərini hazırlayan restoranlara hər gün çinlilər axın edir. Və həmin restoranlar buna görə də, müştəri qıtlığı çəkmirlər.

Gözəlləşmək üçün yeyirlər

Restoranlarda xüsusilə "şiş ilan" menyusu ən çox sifariş verilən yeməklər arasında yer alır. Restoranları dolduran çinlilər, ilan məhsullarının insan dərisini qoruyaraq gözəlləşdirdiyini və qanın təmizlənməsinə köməkçi olduğunu söyləyir.

Bir boşqab "şiş ilan" menyusu müştərilərə 2 dollardan təqdim edilir. Ən bahalı menyu isə şüşələrdə satılan ilan qanıdır. Bir litr ilan qanının qiyməti isə 200 dollara qədər çata bilir. Biznes sahibləri müştərilərinə təzə ilan bişirdiklərini sübut etmək üçün ilanları restoranın arxa hissəsində bəsləyirlər.

Bu formada müştəri saxlanılan ilanlardan hansını yemək istədiyini özü seçir. Onun istəyi ilə həmin ilan bişirilir və müştəriyə təqdim edilir.