Brendlərin tarixi
Sofi Loren - pərdədən paltar geyinən mələk
Sofiya - yunan dilindən tərcümədə "müdriklik" deməkdir. Bu xanım doğrudan da öz həyatını müdriklik üzərində qurub. Qadın üçün lazım olan ən dəyərli varlıqlar onun taleyində olub: başgicəlləndirici məşhurluq, xoşbəxt ailə və hisslərin ən ülvisi analıq...
Yəqin ki, heç kim tarixi ən azı 40 ili keçən “Dəniz şahzadəsi” adlı
müsabiqənin qalibi - Şikoloneni tanımaz. Sonradan bu gözəl qalib
Sofi Loren oldu. Maraqlıdır, görəsən aktirsanın yaradıcılıq
fəaliyyəti xanım Ponti soyadını götürməsəydi necə olardı?
Müsahibələrində etiraf edir ki, “Hər 3 familiya birlikdə təkcə -
MƏNDİR!”.
İtaliya möcüzəsi
“Məgər mən belə bir insanın anası rolunu oynaya bilərəm?”-deyə
aktrisa Anna Manyani filmdə Çezarinin anasını oynayacağına öz
etirazını bildirdi. Çezari rolunu sonradan dünya şöhrətli aktrisa,
gözəllik etalonu olan Sofi Loren oynayacaqdı və onu milyonlarla
kişilər, hətta İtaliya kinematoqrafiyasının boz kardinalı olan
Karlo Ponti də ilahiləşdirəcəkdilər.
Enlikürək, balacaboylu rəngli corablarda gəzən Karlo Milan
küçələrində alma satanlara oxşayırdı. 16 yaşlı Sofi onda nə
tapmışdı? Cavab çox bəsit idi, Karlo məşhur prodüser, Sofi isə adi
model idi, lakin çox böyük məqsəd və iddiaları var idi...
Bir may gecəsi Sofiya dostları ilə yeməkdə olarkən onlara
studiyaların birinin administrasiyasından bir gənc yaxınlaşdı və
onu sınaq kino çəkimlərində iştirak etmək üçün dəvət etdi. Qız bu
təklifə çox təəccübləndi. Karli Ponti isə məsələyə belə münasibət
bildirir: “Mənə elə gəlir ki, mənim istedadlara qarşı hissiyyatım
var. Mən Cina Lollobridjiyə, Alide Valliyə və digərlərinə kömək edə
bilmişəm. Sizin çox maraqlı simanız var. Sabah gəlin baxaq, görək
ekranda necə görünürsünüz?”
Sofiya Şikolone təklifi qəbul etdi. O, bu görüşə bəlkə də elə 16 il
idi ki, hazırlaşırdı. Kim düşünə bilərdi ki, kasıb Pitsuoli
qəsəbəsindən olan bu qız Romaya qədər gəlib çatacaq. Qonşu oğlanlar
onun dalınca “Kürdan” (diştəmizləyən) deyə qışqırırdılar. Onun çox
arıq olmasının isə tək səbəb vardı - PULSUZLUQ.
Onlara kömək etməli olan atası da yox idi, anası Sofiyaya hamilə
olarkən atası anasını atıb getmişdi. Sofiya böyüyürdü, boyu 1.73,
gözəl bədən forması kişiləri ona tərəf baxmağa məcbur edirdi.14
yaşı olarkən bədən tərbiyəsi müəllimi onlara gəlib onunla evlənmək
istədiyini bildirdi. Anası başa düşdü ki, artıq hərəkət etmək
lazımdır.
Zaman öz işini gördü... Sofi Loren haqqında “İtaliya möcüzəsi” kimi
danışmağa başladılar, onunla ayaqlaşmağa cəhd göstərdilər.
Kimin ağlına gələrdi ki, Neapolda keçirilən gözəllik yarışmasında
ilk dəfə səhnəyə çəhrayı pərdəlikdə çıxan, ayaqqabıları ağ boya ilə
boyanan bu qız dünyaca məşhur olacaq. Amma elə o zamanda bu qız
münsifləri öz zərifliyi, dilbərliyi, yerişi ilə sarsıtdı.
Məşhur prodüserə etiraz edən qız
Sofiya doğularkən qonuşusu anasına demişdi ki, “Kaş bu uşaq
doğularkən öləydi. Sənin bu kasıb həyatında o yazıq qız necə
yaşayacaq?”.
Amma düz 16 ildən sonra Sofiya Karlo Pontinin - İtaliyanın ən
məşhur kinoprodüserinin qarşısında idi və nəticəni gözləyirdi.
“Burnunu qısaltmaq və arıqlamaq lazımdır” - Pontinin qızcığaza
deyəcəyi ilk söz bu oldu.
Lakin gənc aktrisa elə o zaman öz xasiyyətini göstərdi. Başını
qaldırıb “Yox” deyərək öz etirazını bildirdi. Bu onun ilk etirazı
idi.
Sonradan Sofi bildirirdi ki, “Mən çox kasıb olsam da, istəyirdim
ki, hamı məni necə varamsa elə də qəbul etsin. Zamanla bu mənim
xeyrimə işləməyə başladı, mən özüm idim və uğurumun səbəbi də bəlkə
bu idi”. O, günlərlə Pontinin idarəsinin qarşısında ən kiçik bir
rol üçün gözləyirdi. Lakin Loren demişkən, şans həmişə var. Hər
səhər Pontinin qəbuluna getməzdən əvvəl güzgü qarşısında saatlarla
vaxt keçirirdi. Hər dəfə Pontinin katibəsi üçün nə isə kiçik bir
hədiyyə aparardı.
Karlo Sofiyadan 20 yaş böyük idi, təcrübəli və ağıllı idi. Şöhrətə
gedən yol çox çətin və keşməkeşli idi. Əyalətdən olan kasıb
Sofiyaya ən çox intim səhnələrdə rol almağı təklif edirdilər,
əvvəllər o, bunların hamısını rədd edirdi.
Lakin getdikcə maddi cəhətdən yaşamın çətin olduğunu görüb Sofiya
Lazarro adı ilə rollar ifa etməyə başladı.
Sonradan Karlo Ponti bütün bu filmləri satın almışdı. Axır ki, o
istəyinə nail oldu, Karlo onu “Afrika dənizlər altında”filmində baş
rola təsdiq etdi. Lakin kino üçün Şikolone familiyası uğurlu
deyildi. Ponti çox düşündükdən sonra aktrisa Marta Torenin
plakatındakı Toren familiyasını Lorenlə əvəz etdi və Sofi Loren
alındı. Ponti onun üçün müqavilə hazırladı. Bu müqaviləyə əsasən
rejissor Vittorio De Sika Lorenin iştirakı ilə ildə bir film
çəkməli idi. Kino tənqidçilərinin diqqətini Loren ilk dəfə Vittorio
Sikanın 1954-cü ildə çəkdiyi “Neapolun qızılları” filmində cəlb
etmişdi.
Bu filmdə o, neopolitikan qızı oynamışdı, o, elə bil ki özünü
oynamışdı. Sika bu qızda əsl istedadı kəşf etmişdi və Sofinin bütün
yadda qalan rolları onun filmlərində çəkilmişdi.1961- ci ildə Jan
Pol Belmando ilə oynadığı “Çoçara” filmi ən yaxşı qadın roluna görə
“Oskar”-a layiq görülmüşdü.” Dünən, bu gün,
sabah”(1963),”İtaliyasayağı nigah”(1964-də Moskva festivalının
mükafatı), “Günəbaxan”(1970) filmləri onu şöhrətləndirdi. Son 3
filmdə Sofi Marçello Mastroyani ilə tərəf müqabil olmuş, bununla
dünya kino sənətində ən yaxşı duet yaradıblar.
“Bokkaço 70”, “Altonanın rahibləri”, “Dünən, bu gün, sabah”,
“İtaliyasayağı nikah” kimi filmlər onu şöhrətləndirdi, onu
İtaliyanın möcüzəsi etdi. Sofi Loren yaradıcılığının zirvə nöqtəsi
onun “Çoçara” filmində yaratdığı ana obrazı olmuşdur.
Sofi Loren əsri
O, tamaşaçılara, öz prodüserinə çox minnətdar idi. Sofiya onun
simasında əsl kişi obrazı görürdü. Ponti əsl kişi simvolu idi, Sofi
özü üçün elə belə bir kişi təsəvvür edirdi. Bir dəfə Sofi Ponti
üçün gözəl bir İtalya tortu hazırladı. Həyatının ilk 16 ilini
yarıac-yarıtox keçirən Sofiya kulinariyanın sirlərini gözəl
bilirdi. İtalyan kişisinin ürəyini o artıq ələ alınmışdı. Lakin
Ponti evli idi.
“Evli kişilər həyatlarında heç nəyi dəyişmək istəmirlər, əgər o
ailəsinə bağlıdırsa, onu dəyişmək çətindir. Ona elə təsir etmək
lazımdır ki, kişi bu addımı ata bilsin” deyən Loren çox
hiyləgərliklə hərəkət edirdi. “Ev qayığı” filmindəki partnyoru olan
Keri Qrant Karlonu nə isə etməyə məcbur etdi. Hər gün Lorenə gül
dəstələri göndərilir, bəzən müəllif göstərilmirdi, lakin Loren ona
kimin gül göndərdiyini bilirdi.
Pontiyə şayiələr çatdı ki, Sofi ilə Qrant arasında eşq macərası
yaşanılır. Bu bir tərəfdən filmin piarına təsir edir, digər
tərəfdən isə Lorenin seks-simvol kimi tanınmasına kömək edirdi. Bu
jestlər öz təsirini göstərdi, Ponti öz arvadı ilə boşanıb, Lorenlə
gizli olaraq Meksikada evləndi. Sofi aclığa, kasıblığa qalib gəlsə
də, Vatikana qalib gələ bilmədi. Vatikan Pontini çoxarvadlı elan
etdi. Katolik qaydalarına görə Ponti günahkar sayılırdı.
İtaliya onları baykot etdi, mətbuat onları sakit qoymurdu. Sofiya
və Karlonu yalnız 9 aprel1966-cı ildə ər-arvad hesab etdilər. Bu
vaxta qədər onlar qeyri-leqal olaraq kirayə evlərdə yaşayırdılar.
Fransız vətəndaşlığını aldılar. İki il sonra isə Karlo xəstələndi.
Onda Loren qeyd etdi ki, mən onu əvvəlki kimi sevirəm, ölənə qədər
də sevəcəyəm.
Hollivud karyerası
1957-ci ildən etibarən Sofi Loren Hollivudda çəkilmək üçün dəvətlər
almağa başladı. Onun ilk Hollivud filmlərindən biri Frenk Sinatra
və Keri Qrantla 1957-ci ildə çəkildiyi “Təkəbbür və ehtiras” filmi
olub.
“Çəhrayı trikoda şeytan” filminə çəkilmək üçün Sofi ilk dəfə saçını
sarışın rəngə boyadı.
“Roma imperiyasının süqutu”-na görə ona milyon dollar qonorar
verilmişdi. 1967-ci ildə Çarli Çaplinin “Honkonqdan olan qrafinya”
filmində rus fahişəsini oynamaq ona nəsib olub.
1957-72 illər ərzində Sofi Loren demək olar ki, Hollivudun bütün
tanınmış aktyor və seks simvolları ilə filmə çəkilmişdir.
1994-cü ildə o son dəfə Mastroyani ilə “Yüksək moda”, 1996- cı ildə
Jek Lemmon və Uolter Mattau ilə “Qoca deyingənlər qızışdılar”
amerika komediyasında çəkilmişdir.
2002- ci ildə öz oğlu Eduardo Pontinin “Öz aramızda” filmində
ikinci planda rol almışdır.
Kinodan kənar həyatı
Kinoda olan müvəffəqiyyətlərinə baxmayaraq həyatı çətin olmuşdur.
Uzun müddət sonsuzluqdan müalicə almış və nəhayət 1968- ci ildə
kiçik Karlo-Ponti (hal-hazırda Vena orkestrinin rejissorudur), 4
ildən sonra ikinci oğlu Eduardo dünyaya gəldi.
1970-ci ildən etibarən kinoda az-az görünməyə başlayır.1984-cü
ildən rolları azalır.1979-80-cı illərdə avtobioqrafik kitab çap
etdirir.1982-ci ildə vergi ödəmədiyi üçün 18 günlük həbs cəzası
alır.
Maraqlı faktlar:
2007-ci ildə 72 yaşlı aktrisa “Pirelli” kalendarı üçün çəkilir.
Sofi Loren çox hazırcavab olub. Onun kitabından bəzi kəlmələr
İtaliyada çox məşhurlaşıb. Məsələn: “Mən hər şeyə görə spagettiyə
borcluyam”.
Torontoda bir küçə onun adını daşıyır.
Hollivud alleyasında onun şöhrət ulduzu var.
Doğma İtalya dilindən başqa Sofi Loren ingilis və faransız
dillərində sərbəst danışır.
Publika.Az
-
İdman13:26
Musa Qurbanlının Messi ilə FOTOSU yayıldı: Onlar necə görüşüb?
-
İdman13:01
"Real"ı yarımfinala daşıyan Luninin memar gözəlçəsi - FOTOLAR
-
Sosial12:31
Kəmaləddin Heydərov onu yüksək vəzifəyə təyin etdi - FOTO
-
Maraq dünyası12:00
May ayının şanslı BÜRCLƏRİ
-
Hadisə11:18
"Oğlan subay olub, qız isə..." - Bakıda gənclər hamamda necə ölüb? - VİDEO
-
Dünya10:41
Rusiya hərəkətə keçdi: Bu ölkə qırıcıları havaya qaldırdı
-
Avropa10:15
Zelenskini öldürmək istəyən şəxs bu ölkədə saxlanıldı
-
MDB09:48
Moskvada motosikletçini öldürən Şahin Abbasovun mənzilindən görün nə qədər pul tapıldı - FOTO