Kriminal

Bakıda obyektləri talayan şəxslər ələ keçdi

7 Fevral 2019 15:39

Bakıda oğurluqla məşğul olan şəxslər tutulub.

Publika.az Daxili İşlər Nazirliyinin mətbuat xidmətinə istinadən xəbər verir ki, oğurluq etdiyinə görə tutulmuş S.Pənahovun ətrafında Binəqədi RPİ 5-ci PB və Əlahiddə Çevik Polis Alayının əməkdaşları tərəfindən aparılmış əməliyyat tədbirləri ilə onun Quba rayon sakini, əvvəllər məhkum olunmuş A.Həsənovla birgə çoxsaylı obyektləri taladığı üzə çıxıb. Bəlli olub ki, həmin şəxslər 1 kafedən 200 ABŞ dolları, 1 sexdən inşaat materialları, 1 bərbər salonundan məişət əşyası, 1 qadının cibindən 1400 manat, 1 nəfərin velosipedini, habelə 3 mağazadan pul, bijuteriya, tütün məmulatı və sərinləşdirici içki oğurlayıblar.

Görülmüş tədbirlərlə A.Həsənov da saxlanılıb. Ətrafında aparılmış tədbirlərlə onun 4 nəfərin velosipedlərini oğurlaması da müəyyən edilib.

Araşdırmalar davam etdirilir.