• USD 1,7000 0,00% EUR 1,8914 -0,07%
    • GBP 2,1218 +0,81% RUB 0,0247 +2,02%

Gəncədə DƏHŞƏTLİ HADİSƏ: “11 yaşlı oğlumun boğazından sıxaraq boğmaq istəyib” - ŞİKAYƏT

  • Kriminal
  • 24 May 2020 02:45
  • 1 241 Baxış
Gəncədə DƏHŞƏTLİ HADİSƏ: “11 yaşlı oğlumun boğazından sıxaraq boğmaq istəyib” - ŞİKAYƏT

Gəncədə 11 yaşlı uşaq ağlasığmaz səbəbdən döyülüb.

Publika.az xəbər verir ki, bu barədə oxu.az-a 2009-cu il təvəllüdlü Orxan Əlizadənin anası Xanım Əliyeva məlumat verib.

Ana iddia edir ki, qonşuluqda yaşayan Kəmalə adlı qadın onun uşağını boğazından tutaraq boğmağa çalışıb:

“Hadisə mayın 19-da Gəncə şəhəri Sidqi Ruhulla küçəsində baş verib. Oğlumla qonşunun səkkizinci sinifdə oxuyan oğlu internet üzərindən oyun oynayırdı. Oyun əsnasında mənim oğlum Kəmalə adlı qonşunun uşağına ingilis dilində “sən zəifsən” deyib. Bu sözü də uşağın anası eşidib. Oradan mənim uşağıma deyib ki, “sən kimsən ki, mənim uşağıma zəif deyirsən?”. Həmin gün qonşunun uşağı bizə gəlib, Orxandan şikayət etdi. Mən də dedim ki, “Orxan qələt eləyib deyib, mən onu tənbeh edərəm, daha deməz”. Uşaq çıxıb getdi”.

Xanım Əliyevanın sözlərinə görə, qonşusu Kəmalə oğlunu onların evinə göndərdikdən sonra qapıda dayanıb Orxanın evdən çıxmasını gözləyirmiş:

“Sizə dediyim bu söhbət təxminən saat 15:00 radələrində olub. Ona qədər qadın qapıda dayanıb güdürmüş ki, Orxan həyətə düşəndə uşağı tutub, döysün. Orxan da haradasa bir-iki saat sonra qonağımızın uşağı ilə həyətə oynamağa düşdü. Kəmalə Orxanın çıxdığını görüb, uşağın üstünə necə gedibsə, uşaq qorxusundan qonşunun qapısına qaçıb ki, burada onu kimsə qoruyar.

İnanın ki, əgər o qadın uşağıma bir sillə vursaydı, ya yanından vursaydı, bu qədər böyütməzdim. Amma mənim uşağım bronxial astma xəstəsidir. Kəmalə adlı bu qadın bir əli ilə Orxanın qolunu tutub, digər əli ilə də uşağın boğaz nahiyyəsindən tutub sıxıb. Həyətdəki uşaqlar qaçıb mənə xəbər vermək istəyəndə, uşaqlara deyib ki, “hansınız tərpənsəniz, sizi bundan betər edərəm”. Bu sözləri mənə uşaqlar özü deyib. Orxan o qadının əlində çırpınıb, əldən gedirmiş, qorxub yerə buraxıb. Sonra da ayaqlarına təpik vurub. Uşağın ayaqları gömgöy idi”.

X.Əliyeva iddia edir ki, bütün bu hadisələrdən sonra qadın utanmadan evinin qapısında dayanıb, uşağın yerdə çırpınmasına baxıb:

“Qonşunun uşaqları gəlib mənə deyir ki, “ay xala, tez ol, Kəmalə xala Orxanı boğdu”. Dəli oldum, tez qaçdım həyətə gördüm uşaq qıc olub, qalıb yerdə. Mənim uşağım astma xəstəsidir, normal vəziyyətdə çox çətinliklə nəfəs alır. Uşağa bu cür şiddət edərlər? Axşam uşağı güc-bəla ilə özünə gətirdim. Orxan özünə gələndən sonra qayınanamla həmin Kəmalənin evinə getdim. Həyətində it saxlayır, az qaldı iti üstümüzə buraxsın. O qədər nalayiq sözlər dedi ki, biz onunla bacarmadıq. Səhər gedib polisə şikayət ərizəsi vermişəm. Ekspertizaya müraciət etmişik. Bütün qonşular qorxudan bilmir, nə etsin. Uşaqlarımızı küçəyə buraxa bilmirik ki, bu gün Orxana bunu edən, sabah başqasının da uşağına edər. Bu məsələnin hüquqi yolla həll olunmasını istəyirik”.

Qeyd edək ki, məsələ ilə bağlı qarşı tərəfin mövqeyini də işıqlandırmağa hazırıq.

Halal Nemət

Xəbər lenti

DAHA ÇOX XƏBƏR