Kriminal

Azərbaycanda 2 ay əvvəl boşanan 31 yaşlı qadını küçədə öldürdülər

27 May 2021 11:00

Mayın 26-da saat 13 radələrində Gəncə şəhəri ərazisində Günay Amanovanın bıçaqlanaraq öldürülməsi barədə şəhər prokurorluğuna məlumat daxil olub.

Publika.az Gəncə şəhər Prokurorluğuna istinadən xəbər verir ki, aparılmış araşdırmalarla müəyyən edilib ki, zərərçəkmişin keçmiş əri Qafar Amanov şəxsi münasibətlər zəminində aralarında yaranmış mübahisə zamanı bıçaqla Günay Amanovaya xəsarətlər yetirərək sonuncunu qəsdən öldürüb.
Faktla bağlı Gəncə şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Qafar Amanov şübhəli şəxs qismində tutularaq istintaqa cəlb edilib.

Hazırda cinayət işi üzrə istintaq hərəkətləri davam etdirilir.

Qeyd edək ki, 1990-cı il təvəllüdlü Günay Amanova 1984-cü il təvəllüdlü Qafardan 2 ay əvvəl rəsmi qaydada boşanıbmış.