• USD 1,7000 0,00% EUR 2,0009 -0,24%
    • GBP 2,3392 +0,32% RUB 0,0231 +0,43%

Azərbaycanda DƏHŞƏTLİ QƏTL: polis qadını öldürdü - YENİLƏNDİ

  • Kriminal
  • 23 İyul 2021 12:00
  • 2 972 Baxış
Azərbaycanda DƏHŞƏTLİ QƏTL: polis qadını öldürdü - YENİLƏNDİ

Daxili İşlər Nazirliyinin (DİN) Mətbuat Xidmətinin Şirvan regional qrupu Sabirabadda baş verən qətllə bağlı məlumat yayıb.

Publika.az-a daxil olan məlumatda deyilir:

"İyulun 22-də Sabirabad rayonu ərazisində Ulacalı kənd sakini Mübarək Ağayevanın meyitinin tapılması ilə əlaqədar keçirilən təxirəsalınmaz əməliyyat-axtarış tədbirləri ilə onun münaqişə zəmnində tanışı, DİN-in Sabirabad Regional Mühafizə Şöbəsinin polis nəfəri, polis serjantı Əliağa Soltanov tərəfindən xidmətdən kənar vaxtı, kəsici-deşici alətlə qətlə yetirilməsi müəyyən olunub. Ə.Soltanov şübhəli şəxs qismində saxlanılaraq istintaqa təhvil verilib.

Faktla bağlı Sabirabad rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb".

xxx

Sabirabadda qətl hadisəsi baş verib.

Hadisə Sabirabad rayonunda qeydə alınıb.

Belə ki, rayonun Ulacalı kənd sakini, 1969-cu il təvəllüdlü Mübarək Azadə qızı Ağayeva naməlum şəxs və ya şəxslər tərəfindən qətlə yetirilib. Onun meyiti uşaq bağçalarından birinin qarşısında aşkarlanıb.

Faktla bağlı araşdırma aparılır.

Halal Nemət

Xəbər lenti

DAHA ÇOX XƏBƏR