Digər

Misirdə fövqəladə vəziyyət rejimi uzadıldı

24 İyun 2018 20:50

Bu gün Misir parlamentində keçirilən səsvermədə ölkədə fövqəladə vəziyyət rejiminin növbəti dəfə 3 ay uzadılması dəstəklənib.

Publika.az "RİA Novosti" agentliyinə istinadən xəbər verir ki, bundan əvvəl Misir prezidenti Abdel Fəttah as-Sissi bu barədə müvafiq sərəncam imzalayıb.

Misirdə fövqəladə vəziyyət rejimi 2017-ci ilin aprelində, Tante və İsgəndəriyyə şəhərlərində terror aktları törədiləndən sonra tətbiq olunmağa başlanıb. Həmin iki terror aktında 50-dən çox insan həlak olub, 100-dən çox insan yaralanıb. Ölkə qanunvericiliyinə görə, fövqəladə vəziyyət rejimi hər dəfə 3 ay olmaqla uzadılır.

Hazırda Misirdə ölkənin şimalı və mərkəzindəki Sinay yarımadasında terrorizmə qarşı geniş masştablı əməliyyat keçirilir.