Digər

Maduro satqın hərbçiləri cəzalandırdı

9 May 2019 08:17

Venesuela prezidenti Nikolas Maduro qiyam zamanı müxalifətin tərəfinə keçmiş hərbçilərə qarşı sanksiyaları tətbiq etməyi əmr edib.

Publika.az xəbər verir ki, bu haqda dövlət başçısının fərmanına istinadən “Caracol” radiosu bildirib.

Fərmana əsasən, hərbi qulluqçuların, həmçinin yüksək vəzifəlilərin rütbələri aşağı salınacaq və ya silahlı qüvvələrdən qovulacaq. Sanksiyalar ümumilikdə, 54 hərbçiyə aid ediləcək.

Xatırladaq ki, aprelin 30-da müxalifət lideri Xuan Quaydo hərbi qulluqçuları və xalqı prezidenti devirməyə çağırdı. O, ordu onun tərəfinə keçdiyini “Azadlıq” əməliyyatının final mərhələsinin başlandığını açıqlayıb. Növbəti gün isə Maduro müxalifət gücləri üzərində qələbəsini elan edib.

Qeyd edək ki, Venesuelada vəziyyət yanvarın 23-də Xuan Quaydonun özünü müvəqqəti prezident elan etməsi ilə kəskinləşib. Onun legitimliyini ABŞ, bir sıra Avropa və Latın Amerikası ölkələri dəstəkləyib.

Prezidenti Nikolas Maduronu Rusiya, Türkiyə və İran dəstəkləyir.