Dünya

Obama İrandan danışdı: “Bu razılaşmadan səmərəli istifadə etməliyik”

15 İyul 2015 00:30

ABŞ prezidenti Barak Obama iyulun 14-də BMT Təhlükəsizlik Şurasının 5 üzvü və Almaniya ilə İran arasında Vyanada əldə edilmiş razılaşmaya münasibət bildirib.

Publika.az-ın xarici mediaya istinadən verdiyi məlumata görə, prezident B.Obama deyib ki, İranla razılaşmanın reallaşmasına qarşı yönələn istənilən qanuna veto qoyulacaq. Onun sözlərinə görə, bu razılaşma yeni istiqamətə yol açır: “Birləşmiş Ştatlar olaraq biz bundan səmərəli istifadə etməliyik. Bu razılaşmadan qaçmaq məsuliyyətsizlik olardı. Biz bununla Yaxın Şərqdə nüvə silahlarının yayılmasının qarşısını aldıq”.

İranın yaxın müttəfiqi olan Rusiya prezidenti Vladimir Putin isə sözügedən nüvə razılaşmasının Yaxın Şərqdə terrorçuluqla mübarizəyə kömək edəcəyini bəyan edib: “Bu razılaşma İranla Rusiya arasındakı mülki nüvə əməkdaşlığının möhkəmləndirilməsinə xidmət edəcək”.

Vasif Həsənli