Yunanıstana 7 milyard borc veriləcək
Bizi izləyin
Kanon

Dünya

Yunanıstana 7 milyard borc veriləcək

Avrozona ölkələrinin maliyyə nazirləri Yunanıstan parlamentinin yardım paketinin şərtlərini qəbul etməsindən sonra Afina ilə formal danışıqlara başlamaq razılığına gəliblər.

Publika.az xarici mediaya istinadən xəbər verir ki, razılaşma iyulun 16-da keçirilən telekonfransda əldə edilib.

Kəskin iqtisadi islahatlar əvəzində Yunanıstana 86 milyard avroluq yeni xilas paketi ayrılacaq. İclasda həmçinin Yunanıstana ümumi fonddan 7 milyard avro kredit verilməsi barədə razılıq əldə olunub. Bu məbləğ xilas paketinin təsdiqlənməsinədək vəziyyətin tənzimlnməsinə sərf ediləcək.

Avropa Mərkəzi Bankı isə Yunanıstan banklarının daha çox vəsait buraxmasına icazə verib. Söhbət həftə ərzində 900 milyon avrodan gedir.

Yunanıstan bankları iyunun 29-dan bağlı idi və bankomatlardan gün ərzində cəmi 60 avro çıxarıla bilərdi. Yunanıstan parlamenti iyulun 15-də ticarətdə verginin artırılması və pensiya islahatları da daxil olmaqla kəskin iqtisadi islahatlar planını qəbul edidib.

Oxumağa davam et
Reklam
Reklam

Gündəm

Kanon