Dünya

Kommunistlərin seçkidə iştirakı qadağan olundu

25 İyul 2015 05:15

Ukraynanın ədliyyə nazirliyi kommunistlərin qarşıdan gələn yerli seçkilərdə iştirakını qadağa qoyub.

Publika.az xarici mediaya istinadən xəbər verir ki, nazir Pavel Petrenko üç kommunist partiyasının oktyabr seçkilərinə buraxılmayacağını bildirib. O həmçinin bu partiyaların qadağan olunması ilə bağlı iddia qaldırılacağını bildirib.

Əvvəllər Ukraynada nüfuzlu qüvvələrdən olan Kommunist partiyası 2012-ci ildə keçirilən parlament seçkisində 13 faiz səs toplamışdı.

Amma partiya devrilmiş prezident Viktor Yanukoviçi dəstəklədiyinə görə reytinqi düşüb. 2014-cü ildə Ukraynada keçirilən seçkilərdə kommunistlər 4 faizdən də az səs topladı.

Ukraynada keçmiş Sovet simvolları və kommunist ideologiyasının təbliğini qadağan edən bir neçə qanun qəbul edilib.