Ankara ABŞ-ın istəyi ilə o lideri deportasiya etdi
Bizi izləyin

Dünya

Ankara ABŞ-ın istəyi ilə o lideri deportasiya etdi

Türkiyə ABŞ-ın təzyiqlərinə boyun əyərək Fələstinin “Həmas” təşkilatının yüksək rütbəli səlahiyyətlilərindən olan Saleh Arurini deportasiya edib.

Publika.az xarici mediaya istinadən xəbər verir ki, ABŞ Türkiyənin anti-İŞİD koalisiyasına qoşula bilməsi üçün Arurinin ölkədən çıxarılması şərtini irəli sürüb.

Türkiyənin də bu şərti qəbul etdiyi xəbər verilir. İsrailli səlahiyyətlilər ötən aylarda Ankaradan “Həmas”ın Türkiyədəki fəaliyyətinin izlənilməsini istəmişdi.

Aruri ilk dəfə ötən il Qərbi Şeriada qaçırılan üç İsrail vətəndaşının “Həmas”ın silahlı qanadı “İzzəddin əl-Qəssam” Briqadaları tərəfindən öldürüldüyü təsdiqləyən videoda görünmüşdü. Amma o, Türkiyədə qatıldığı bir konfransda “İzzəddin əl-Qəssam” briqadalarının üç israillini qaçırmasını tərifləsə də, gənclərin öldürülməsini “Həmas”ın üzərinə götürdüyü barədə iddiaları rədd etmişdi.

Ömər Dağlı

Oxumağa davam et
Reklam
Reklam

Gündəm