Saakaşvilidən geylərə qadağa

Odessa məhkəməsi LGBT icmasının nümayəndələrinə parad keçirməyə qadağa qoyub.

ANS PRESS-in məlumatına görə, cinsi azlıq təmsilçiləri paradı 15 avqustda keçirmək istəyirlər. Odessa Şəhər Şurası 13-16 avqustda toplaşmaq istəyən "Odessa Pride 2015" təşkilatıçılarına qarşı məhkəmədə iddia qaldırıb. Şəhər rəhbərliyi belə bir addımın əhaliyə mənfi təsir edəcəyini bildirib.

Məhkəmə Şəhər Şurasının mövqeyini qüvvədə saxlayıb. O da hesab edir ki, bu cür paradın keçirilməsi şəhər üçün real təhlükə yaratmaqdan başqa, iştirakçılar və digər vətəndaşların da həyat və sağlamlığına mənfi təsirini göstərəcək.

Məhkəmə gey-paradın keçirilməsinə həm də ona görə qadağa qoyur ki, festivalın keçirilmə müddəti çərçivəsində şəhərdə iki futbol matçının keçirilməsi də nəzərdə tutulur.

Tədbirin təşkilatçıları isə deyirlər ki, əgər məhkəmə onların əleyhinə qərar qəbul etsə, onda, onlar apeliyasiya məhkəməsinə müraciət edəcəklər.

Gürcüntanın eks-prezidenti Mixail Saakaşvili bu ilin may ayından Odessa vilayətinə qubernator təyin edilib.