“Dünya nüvə silahlarından təmizlənməlidir, əks halda...”
Bizi izləyin

Dünya

“Dünya nüvə silahlarından təmizlənməlidir, əks halda...”

Katolik dünyasının ruhani lideri Papa Fransisk Birləşmiş Millətlər Təşkilatının (BMT) Baş Assambleyasının sessiyasında çıxış edib.

Publika.az xarici mediaya istinadən xəbər verir ki, Papa Fransisk təxminən 50 dəqiqəlik çıxışında iqlim dəyişikliyi ilə mübarizə, yoxsulluq və müharibələrin qarşısının alınması, nüvə silahlarının qadağan edilməsi, istehlak mədəniyyəti və ailə dəyərləri kimi bir çox mövzuya toxunub.

Ruhani lider dünyanın nüvə silahlarından tamamilə təmizlənməli olduğunu ifadə edib. Onun sözlərinə görə, əgər bu mümkün olmasa BMT qorxu və etibarsızlıqla birləşdirilən millətlərin birliyinə çevriləcək. Papa Fransisk sərhədsiz güc və maddi zənginlik axtarışlarının da gücsüzlərin sıradan çıxarılacağına səbəb olacağını söyləyib.

“Ekoloji böhran və bioloji müxtəlifliyə zərər verilməsi insan nəslinin varlığını təhlükə altına qoyur. Güc ehtirası və qlobal iqtisadiyyata pis rəhbərlik dağıdıcı nəticələri özü ilə gətirir”, - o, deyib.

Oxumağa davam et
Reklam
Reklam

Gündəm