İŞİD terror qruplaşması 2011-ci ildə “Əl-Qaidə” lideri Üsamə bin Ladeni öldürən amerikalı əsgər Robert O'Nilin ev ünvanını dərc edib.
Publika.az xarici mediaya istinadən xəbər verir ki, İŞİD-in sosial şəbəkədə paylaşdığı məlumatlar arasında Robert O'Nilin ev ünvanı ilə yanaşı, amerikalı hərbçinin necə tapılacağına dair məlumatlar da var.
Xatırladaq ki, O'Nil kimliyini uzun müddət gizli saxladıqdan
sonra ötən ilin noyabrında üzə çıxıb. ABŞ Hərbi Dəniz Qüvvələrinin
“Dəniz Pişikləri” Xüsusi Təyinatlı Bölməsinin hərbi qulluqçusu
O'Nil Böyük Britaniyanın “Daily Mail” qəzetinə açıqlamasında
bildirib ki, “Əl-Qaidə”nin liderini məhz o öldürüb.
Robert O'Nil Montana ştatında anadan olub. O, 19 yaşından orduda xidmət edib, 400 hərbi əməliyyatda, o cümlədən İraq və Əfqanıstan müharibələrində iştirak edib. Dünyanın 1 nömrəli terrorçusunun məhv edilməsinə görə xüsusi mükafatla təltif olunub.
Qeyd edək ki, Üsamə bin Laden 2011-ci ilin mayında ABŞ xüsusi təyinatlılarının Pakistanın Abbotabad şəhərində keçirdiyi əməliyyat nəticəsində məhv edilib. “Əl-Qaidə” liderinin cəsədinin dənizə atıldığı bildirilir.
