Bir gecəyə 75 min dollar – ABŞ-ın ən bahalı otel nömrəsi FOTOLARDA
Bizi izləyin

Dünya

Bir gecəyə 75 min dollar – ABŞ-ın ən bahalı otel nömrəsi FOTOLARDA

Son vaxtlara qədər ABŞ-da ən bahalı nömrələri olan oteli Nyu-Yorkun “Four Season Hotel”i idi. Otelin 53-cü mərtəbəsində yerləşən nömrədə bir gecənin qiyməti 50 min dollar idi.

Əfsanəvi fransız dizayneri Jak Qranj Nyu-Yorkun “The Makr Hotel”ində çalışandan sonra hər şey dəyişdi. Artıq burada olan ən bahalı otel nömrəsində gecələmək 75 min dollara başa gəlir. 1100 kv.m ərazisi olan nömrədə 5 yataq otağı, 4 kamin, 6 vanna otağı, qadınlar üçün 2 yataq otağı və 2 bar var. Burada qış bağı, kitabxana, eyni vaxtda 24 nəfərin yemək yeyə biləcəyi qonaq otağı yerləşir.

Həmçinin nömrədən otelin terrasına çıxmaq üçün yol var ki, buradan məşhur Manhetten, Mərkəzi Park və Metropoliten muzeyini seyr etmək mümkündür. Bütün bunlar otelin iki mərtəbəsini tutub və içəridən nömrəyə gəlmək üçün iki xüsusi lift ayrılıb.

Otelin baş aşpazı Jan Jorj isə bu nömrədə qalanlar üçün xüsusi yeməklər hazırlayır. Publika.az ABŞ-ın ən bahalı otelinin fotolarını təqdim edir.

Gülnar

Oxumağa davam et
Reklam
Reklam

Gündəm