Dünya
İran parlamenti “Nüvə Sazişinin reallaşdırılması haqqında” qanun layihəsini qəbul etdi
Oktyabrın 13-də İran İslam Şurası (parlament) “Nüvə Sazişinin reallaşdırılması haqqında” mübahisəli qanun layihəsinin detallarını müzakirə etdikdən sonra bəyənib.
İRİNN televiziya kanalının yaydığı xəbərə görə, olduqca gərgin keçən müzakirələrdən sonra 161 deputat qanun layihəsinin lehinə, 59 deputat əleyhinə səs verib. Deputatlardan 13-nün isə bitərəf qalması ilə qanun layihəsi qəbul edilib.
Qanun layihəsi İran hökumətinə Qərb dövlətləri ilə əldə edilmiş razılığa əsasən imzalanmış saziş üzrə ölkə Konstitusiyasına uyğun olaraq bəzi tədbirləri həyata keçirməyə imkan verəcək.
Xatırladaq ki, İran ilə “altılıq” ölkələri (ABŞ, Böyük Britaniya, Fransa, Rusiya, Çin və Almaniya) arasında cari il iyulun 14-də İranın nüvə proqramının dayandırılması haqqında saziş imzalanıb. Sazişə əsasən nüvə proqramının dayandırılması müqabilində İrana qarşı tətbiq edilən bütün iqtisadi sanksiyalar aradan qaldırılacaq.
Siyasi və hərbi məsələlərə dair qərar qəbul etmək səlahiyyətlərinə malik olan İranın Milli Təhlükəsizlik üzrə Ali Şurası da sazişin reallaşmasına etiraz etməyib.
Qanun layihəsinin parlament tərəfindən qəbul edilməsindən sonra İranın xarici işlər nazirinin müavini Abbas Əraqçı bildirib ki, hökumət oktyabrın 19-dan başlayaraq saziş üzrə görüləcək tədbirləri reallaşdırmağa başlayacaq.
-
İnanc20:24
Ağdam Cümə məscidində ilk Azan - VİDEO
-
Cənubi Qafqaz19:36
Ermənistan hərbçisi Azərbaycanla sərhəddə minaya düşdü
-
Avropa17:21
Makrondan qorxunc iddia: Avropa dağılacaq, köçkünlər olacaq
-
Kriminal16:33
Özünü ölmüş kimi təqdim edən biznesmenə hökm oxundu
-
MDB16:00
Avropa Yer üzündən silinəcək, Amerika isə... - Belarusdan şok hədə
-
Rəsmi xronika15:29
İlham Əliyev və Japarov Ağdamda - FOTOLAR
-
Sosial14:51
Videomu paylaşıb məni biabır etmək istəyirlər - Cahangir Əsgərov
-
Sosial14:16
Elmira Süleymanova vəfat etdi - FOTO