İŞİD təsdiqlədi: “Bəli, öldürüldü”

Dünya
14 Oktyabr 2015 18:37
3 018 Baxış

İŞİD təşkilatın iki nömrəli şəxsi Fadıl Əhməd Əl-Hayalinin ABŞ tərəfindən təşkil edilən hava hücumunda öldürüldüyünü açıqlayıb.

Publika.az xarici mediaya istinadən xəbər verir ki, İŞİD-in sözçüsü Əbu Məhəmməd Əl-Adnan internetdə dərc etdiyi səs qeydində “Hacı Mutaz” adı ilə tanınan Fadıl Əhməd Əl-Hayalinin ölümünü təsdiqləyib.

“Hacı Mutaz” İŞİD-in lideri Əbubəkr Əl-Bağdadinin köməkçisi idi. ABŞ onun bu ilin avqust ayının 18-də Mosul yaxınlığında öldürüldüyünü açıqlamışdı.

Əl-Hayali Mosul hücumu da daxil olmaqla İŞİD-in bir sıra əməliyyatlarının planını hazırlayıb. O, İŞİD-ə qatılmazdan əvvəl “Əl-Qaidə” terror təşkilatının İraq qolunun üzvü olub.

Ömər Dağlı