• USD 1,7000 0,00% EUR 1,9423 -0,28%
    • GBP 2,2312 -0,03% RUB 0,0257 0,00%

Trabzonda “Açılım qrupu” ifşa edildi: bölgəni qana boyamaq istəyirdilər

  • Dünya
  • 19 Oktyabr 2015 15:37
  • 671 Baxış
Trabzonda “Açılım qrupu” ifşa edildi: bölgəni qana boyamaq istəyirdilər

Türkiyə kəşfiyyatı PKK terror təşkilatının 12 nəfərdən ibarət “Qara dəniz açılım qrupu”nu ifşa edib.

Publika.az Türkiyə mediasına istinadən xəbər verir ki, kəşfiyyat strukturları qrupda yer alan PKK-çı terrorçularının kimliyi barədə məlumatları və fotoşəkilləri əldə edib.

Qrupun bölgəyə ilk dəfə 1998-ci ildə daxil olduğu bildirilir. Bir ay ərzində bölgədə 2 hücum həyata keçirən qrupun strateji nöqtələrdə terror aktları həyata keçirməyə hazırlaşdığı müəyyən olunub. Qrupdakıların bir hissəsinin Kümbet yaylasında, digər hissənin isə Şalpazarı çölündə qaldığı xəbər verilir.

“Qaradəniz açılım qrupu” 3 qrupa bölünür. Kəşfiyyat əməkdaşları bunu “Doğan” kod adlı Cəlal. K. ilə “Çektar” kod adlı Əli Firat. Y. arasındakı şifrəli telsiz danışıqlarını dinləməklə ortaya çıxarıb.

Xatırladaq ki, ötən ay Türkiyənin Tunceli vilayətində öldürülən PKK terror təşkilatının “Baran Dersim” kod adlı bölgə lideri İsmayıl Aydemir ilə təşkilatın Türkiyə üzrə lideri Fethi Şarlatanın telsiz danışıqları ortaya çıxıb. Xüsusi xidmət orqanları Aydemirin Qara dəniz bölgəsinə göndərilən terrorçulara terror aktlarının törədilməsi üçün təlimat verdiyini müəyyənləşdirib.

Axtarışların gedişatında bölgədə terror aktları planlaşdıran 2 qrupun liderlərinin adları da ortaya çıxıb. Təhlükəsizlik gücləri “Zinar” və “Mavzer” adlı iki ayrı qrupun telsiz danışıqlarını müəyyənləşdirib. “Zinar” adlı qrupun liderinin “Doğan” kod adlı Cəlal. K, “Mavzer” adlı qrupun liderinin isə “Çektar” kod adlı Əli Firat. Y. olduğu məlum olub.

Ömər Dağlı

Загрузка...

Xəbər lenti

DAHA ÇOX XƏBƏR