• USD 1,7000 0,00% EUR 1,9423 -0,28%
    • GBP 2,2312 -0,03% RUB 0,0257 0,00%

Qəzaya düşən Rusiya təyyarəsində əvvəldən nasazlıq olub

  • Dünya
  • 31 Oktyabr 2015 17:22
  • 1 010 Baxış
Qəzaya düşən Rusiya təyyarəsində əvvəldən nasazlıq olub

Misirdə qəzaya uğrayan Rusiyaya məxsus təyyarədə sağ qalan yoxdur.

Publika.az xəbər verir ki, bu barədə "Associated Press"ə Misirin təhlükəsizlik xidmətindən olan anonim mənbə məlumat verib. Mənbə bildirib ki, mətbuatla təmasa icazə verilmədiyindən rəsmi açıqlama yaymaq mümkün deyil. Daha əvvəl sağ qalanların olduğu ehtimal olunsa da, bu, təsdiqini tapmayıb.

Qəzaya səbəb kimi təyyarənin mühərrikində nasazlıq göstərilir. Həftə ərzində ekipaj üzvlərinin bir neçə dəfə mühərrikdə nasazlıq olması ilə bağlı narazılıq etdiyi bildirilir.

Hadisə ilə bağlı Rusiya Təhqiqat Komitəsi araşdırmaya başlayıb və faktla bağlı cinayət işi açılıb.

“İnterfax”ın yazdığına görə, laynerin pilotu Əl-Ariş şəhər aeroportunda məcburi enişlə bağlı müraciət edib. O, dispetçerləri təyyarədəki nasazlıqla bağlı xəbərdar edib.

Qeyd edək ki, “Koqalımavia” şirkətinə məxsus "Airbus 321" layneri Şarm-əl-Şeyxdən Sankt-Peterburqa uçub. Təyyarənin bortunda 217 sərnişin və 7 ekipaj üzvü olub.

Gülnar Əliyeva

Загрузка...

Xəbər lenti

DAHA ÇOX XƏBƏR