Dünya

“Allah Kuzya”nın liderinə qarşı ikinci cinayət işi qaldırıldı

3 Noyabr 2015 06:15

“Allah Kuzya” adlı böyük sektanın lideri Andrey Popova qarşı daha bir cinayət işi qaldırılıb.

Publika.az “RİA-Novosti” agentliyinə istinadən xəbər verir ki, bu barədə Rusiya Daxili İşlər Nazirliyinin sözçüsü Andrey Qaliakberov bildirib. Onun sözlərinə görə, birinci cinayət işi çərçivəsində toplanmış sübutlara əsasən, Rusiya Cinayət Məcəlləsinin 239-cu maddəsi ilə (qeyri-kommersiya təşkilatının yaradılması, vətəndaşların hüquqlarının pozulması) əlavə olaraq cinayət işi qaldırılıb.

2015-ci ilin sentyabrında saxlanılan Popova qarşı Cinayət Məcəlləsinin 159-cu maddəsi ilə (böyük ölçüdə dələduzluq) cinayət işi qaldırılmışdı. Sekta ilə bağlı olan 7 mənzildə aparılan axtarışlar zamanı 43 milyondan çox rubl və 100 min dollar, həmçinin spesifik ədəbiyyat aşkarlanıb.

1977-ci il təvəllüdlü Popov 1990-cı illərin sonlarında sektanın əsasını qoyub.