Dünya

G-20 sammiti və İŞİD əməliyyatı - 20 nəfər saxlanıldı - VİDEO

6 Noyabr 2015 13:38

Türkiyənin Antalya şəhərində G-20 sammiti öncəsi İŞİD terror təşkilatına qarşı əməliyyat keçirilib.

Publika.az Türkiyə mediasına istinadən xəbər verir ki, əməliyyat çərçivəsində ikisi qadın olmaqla 20 nəfər saxlanılıb.

Saxlanılan şəxslər İŞİD-lə əlaqələrdə ittiham olunur. Onlardan 2 nəfəri Rusiya vətəndaşıdır. Şübhəlilərin Antalyada İŞİD adından fəaliyyət göstərdiyi, İraq və Suriyadakı İŞİD üzvləri ilə görüşdükləri müəyyənləşdirilib.

Qeyd edək ki, G-20 sammiti 14-16 noyabr tarixlərində Antalya şəhərində keçiriləcək. Tədbirdə dünyanın ən yüksək inkişaf etmiş liderləri, beynəlxalq təşkilatların nümayəndələri iştirak edəcək. Türkiyə ev sahibi hüququndan istifadə edərək sammitə Azərbaycanı da dəvət edib.

Ömər Dağlı