Rusiya jurnalisti: “Münaqişə yalnız güc yolu ilə həll ediləcək”

“Donbas hövzəsindəki münaqişəni dondurmaq mümkün olmayacaq və münaqişə yalnız güc yolu ilə həll ediləcək”.

Publika.az xəbər verir ki, bu sözləri “Apostrof” nəşrinə müsahibəsində Rusiya jurnalisti Arkadi Babçenko söyləyib.

“Donbas hövzəsinə müxtəlif silahlı qruplaşmalar tərəfindən nəzarət edilir. Orada 1998-ci ildəki Çeçenistan olacaq, orada müharibə, banditizm və oğurluqlar olacaq. Bu regionda başqa heç bir variant təsəvvür edilmir. Ukraynanın şərqində atışmalar və döyüşlər daim olacaq”, - o, vurğulayıb.

Jurnalistin sözlərinə görə, Ukrayna iqtisadiyyatı və ordu ayağa qalxmayana kimi Donbasdakı bu vəziyyət davam edəcək: “Bundan sonra Ukrayna hərbçiləri İzvarinoya (Rusiya-Ukrayna sərhədindəki buraxılış məntəqəsidir. Hazırda “LXR” separatçı qurumun nəzarətindədir – red.) çatacaqlar və orada Ukrayna bayrağı dalğalanacaq. Bununla da hər şey bitəcək. Fikrimcə, bu cür münaqişələrin siyasi həlli yoxdur. Güc yeganə çıxışdır yoludur, başqa variant yoxdur”.

Ömər Dağlı