Dünya
“Müharibə partiyası” Kremldən gedəcək, Ukrayna udacaq...
“2016-cı ildə Kremldə “müharibə partiyası” öz təsirini itirə və siyasi səhnəyə yeni oyunçular çıxa bilər”.
Publika.az xəbər verir ki, bu barədə Amerikanın “Stratfor” kəşfiyyat-analitik şirkətinin hesabatında deyilir.
Hesabatda qeyd edilir ki, Rusiya rəhbərliyi hərbi büdcənin ixtisarı haqqında Maliyyə Nazirliyinin təklifi ilə razılaşmaq məcburiyyətindədir.
Amerika analitiklərin sözlərinə görə, sabiq maliyyə naziri Aleksey Kudrin Kremldə güclərin dəyişməsində əhəmiyyətli rol oynayacaq.
“Rusiyalıların çoxu və Qərbin bəzi nümayəndələri Kudrini sağlam düşüncəli maliyyə mütəxəssislərindən biri hesab edirlər. Kudrin maliyyə naziri vəzifəsindən getdikdən sonra vətəndaş cəmiyyəti və insan hüquqları ideyalarını irəli çəkən qeyri-hökumət təşkilatları ilə işləyib. 2015-ci ilin iyulundan yayılan şayiələrə görə, o, Rusiyanın yeni baş naziri ola bilər. Onun hətta prezident seçkilərində iştirak etməyə çalışacağı bildirilir”, - analitik şirkətin məruzəsində deyilir.
Amerika analitiklərinin fikrincə, əgər prezident Vladimir Putin Aleksey Kudrinin hökumətə qayıdışı ilə razılaşarsa, o halda Rusiyada bir sıra əhəmiyyətli iqtisadi islahatlar gözlənilir: “Kudrin müdafiə sektorunun xərclərin ixtisarından başqa dövlət şirkətləri və müəssisələrin özəlləşdirməsi təklifi ilə çıxış edə bilər”.
“Dövlətdə mürəkkəb iqtisadi vəziyyət Rusiyada islahatların keçirilməsi məsələsini daha aktual edəcək. Bu, “sülh partiyası”nın siyasi çəkisini artıracaq. “Sülh partiyası”nın nümayəndələri hərbi xərclərinin ixtisarı və beynəlxalq münaqişələrə Rusiyanın cəlb olunmasının azaldılmasını dəstəkləyirlər. Amerika kəşfiyyatçıları Aleksey Kudrinin böyük siyasətə qayıdışını istisna etmirlər. Bu, yalnız Rusiyaya deyil, həm də Ukraynaya xeyir gətirə bilər. Məsələ ondadır ki, Kudrin Rusiyanın Ukraynaya təcavüzünə görə Qərbin tətbiq etdiyi sanksiyaların ölkə iqtisadiyyatına mənfi təsiri barədə dəfələrlə danışıb. Sanksiyaların ləğvi isə yalnız Donbas hövzəsində müharibənin dayandırılması halında mümkündür. Bu isə Rusiya hakimiyyətinin üzüyola olacağına ümid verir”, - “Stratfor”un hesabatında deyilir.
Ömər Dağlı
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman28 Mart 22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin228 Mart 22:00
Sevgilisi məşhur aktrisanı döydü: "Aylarla..."
-
Sosial28 Mart 21:36
Daxili İşlər Nazirliyi əhaliyə ÇAĞIRIŞ ETDİ
-
İnanc28 Mart 21:24
Ramazanın 19-cu gününün duası - İmsak və iftar vaxtı
-
Sosial28 Mart 20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası28 Mart 20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO
-
Art28 Mart 19:36
Azərbaycan və Türkiyə birgə film çəkəcəklər - ADI AÇIQLANDI