• USD 1,7000 0,00% EUR 2,0009 0,00%
    • GBP 2,3392 0,00% RUB 0,0231 0,00%

Obamadan gözlənilməz addım: qadınla görüşə getdi – FOTO

  • Dünya
  • 14 Yanvar 2016 16:38
  • 1 515 Baxış
Obamadan gözlənilməz addım: qadınla görüşə getdi – FOTO

ABŞ prezidenti Barak Obama maraqlı addım atıb.

Publika.az-ın xarici mətbuata istinadən məlumatına görə, Ağ Ev rəhbəri gözlənilmədən 12 ay əvvəl ona məktub yazmış qadınla görüşə gedib. Nebraska ştatında yerləşən Omaxa şəhərinə yola düşən prezident Lisa Martin və əri Cozefin qonağı olub.

Qadın bir il əvvəl prezidentə yazdığı məktubda xoşbəxt gələcəyə inanmadığını vurğulayıb. Bildirib ki, övladının gələcək həyatının yaxşı olacağına inanmır. Lisa Martin məktubunda “mənim oğlumun yaşayacağı planetdə sakitlik, çiçəklənmə olacaqmı” sualını verib: “Təəssüf ki, dünyanın daha pis olacağını düşünürəm. Uşaqlarımız köməksizdir və bu məsələlərdə məsuliyyət bizim çiynimizə düşür”.

Qadın Obamanın bu məktuba hər hansı formada cavab verəcəyinə inanmayıb. Prezident isə öz növbəsində Lisa Martinə məktub yazmaq əvəzinə onun ailəsi ilə görüşmək qərarına gəlib.

Korteclə qadının yaşadığı yerə gedən Obama 40 dəqiqə ərzində Lisa Martinlə, həyat yoldaşı və qonşuları ilə söhbət edib. ABŞ-ın gələcəyi ilə bağlı nikbin sözlər deyən prezidenti bildirib ki, ölkəsini xoş günlər gözləyir. Obama 2016-cı ilin ölkə vətəndaşları üçün uğurlu keçəcəyini, gələcəkdə də xoşbəxtliyin onun ölkəsində bərqərar olacağını vurğulayıb.

Obama sonda gənc ailəyə xoşbəxt yeni il arzulayaraq onlardan ayrılıb.

Anar Tağıyev

Halal Nemət

Xəbər lenti

DAHA ÇOX XƏBƏR