Dünya
Sarkisyan telefonda Ruhaniyə “dil tökdü” - İran Ermənistanı xilas edir
İran prezidenti Həsən Ruhani və Ermənistan prezidenti
Serj Sarkisyan arasında telefon danışığı olub.
Publika.az İranın dövlət televiziyasına
istinadən xəbər verir ki, onlar nüvə probleminin həllindən sonrakı
dövrdə iki ölkə arasında əməkdaşlıq imkanlarını müzakirə
edib.
Ruhani və Sarkisyanın danışığında diqqətçəkən məqam Ermənistanın
İran vasitəsilə Fars körfəzinə çıxışıdır.
“Hər iki ölkə imkanlarını Fars körfəzini Qara dənizə bağlamaq üçün istifadə etməlidir”, - deyə Ruhani bildirib.
Sarkisyan da İranla əməkdaşlığı yüksəltməyə və yeni dövrdə
münasibətləri daha da sürətləndirməyə maraqlı olduğunu
bildirib.
Qeyd edək ki, Azərbaycan ərazilərini işğal etdiyi üçün rəsmi
Bakının təcridetmə siyasəti altında əzilən Ermənistan isti
dənizlərə çıxmaq üçün hər şeyə hazırdır. Ötən il Şanxay Əməkdaşlıq
Təşkilatının Ufa sammitində iştirak edən Serj Sarkisyan Fars
körfəzinə çıxmaq üçün iştirakçı dövlətlərə yardım üçün xahiş də
etmişdi.
“Nezavisimaya qazeta” nəşrinin bir müddət öncə yazdığı məlumatda da deyilir ki, Ermənistan Fars körfəzinə çıxmaq üçün İranla dəmir yolu xətti çəkmək niyyətindədir.
“Ermənistanla İran arasında dəmir yolu çəkiləcək. Layihənin
reallaşdırılmasında indi əsas məqsəd geosiyasi maraqlardır. Tehran
Ermənistanla sərhədə 60 kilometrlik dəmir yolu çəkəcək. Şimal-Cənub
avtomobil yolunun tikintisi Gürcüstan sərhədindən Ermənistanın
Mehri şəhərinə qədər olan hissəsinin çəkilməsi hesabına Ermənistan
Qara dəniz vasitəsilə Fars körfəzinə çıxa biləcək”, - deyə
nəşr qeyd etmişdi.
Görünür, Ruhani “Fars körfəzini Qara dənizə birləşdirək” deyərkən
bunu nəzərdə tuturmuş. Bu layihənin reallaşdırılması İrəvanı təcrid
vəziyyətindən qismən də olsa çıxara, beləliklə, Ermənistanın
işğalçı siyasətinin davam etməsinə səbəb ola bilər.
Asif Nərimanlı
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?
-
Dünya19 Aprel 22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK
-
MDB19 Aprel 21:50
95 yaşlı diplomat öldü