Dünya
Ermənilər Qarabağı kütləvi şəkildə tərk edir – STATİSTİKA
Ermənistan əhalisi kütləvi şəkildə ölkəni tərk etməsini bu ölkənin Milli Statistika Komitəsi də təsdiq edir.
Publika.az Ermənistanın rəsmi statistik
məlumatlarına əsaslanaraq, əhalinin bu ölkəni tərk etməsi hallarını
araşdırıb.
2016-cı il yanvarın 1-nə olan statistik məlumatlara görə,
Ermənistan əhalisi 2015-ci ilin 1 yanvar tarixi ilə müqayisədə 12
min nəfər azalıb. Son 5 ildə isə ölkəni tərk edən insanların rəsmi
sayı 35,9 mindir. 1991-ci ilin rəqəmləri ilə müqayisədə isə
əhalinin sayında 634,700 min azalma müşahidə olunub.
2015-ci ildə Ermənistanda şəhər əhalisinin sayı 1,9074 min olub.
Əhalinin əksəriyyəti İrəvanda yaşayır. Son bir ildə İrəvan əhalisi
də 5,5 min insan azalıb. Lakin onlar regionlara deyil, xaricə üz
tutublar. Kənd yerlərində əhalinin ümumi sayı isə 1,0912 mindir.
Rəsmi məlumata görə, son bir ildə kənd əhalisi də 6,5 minə qədər
azalıb.
Ermənistan əhalisinin demoqrafik artımında da ciddi problemlər
müşahidə olunur. Belə ki, 2015-ci ildə yeni doğulan uşaqların sayı
2014-cü illə müqayisədə 2,8 faiz azalaraq, 41,815 təşkil edib.
Həmin dövrdə ölüm halları isə 27,835 min olmaqla 4 faiz artıb.
2015-ci ildə Ermənistanda ümumilikdə ölüm halları doğum halları ilə
müqayisədə 1,5 dəfə çox olub. Əhalinin təbii artımı son bir ildə
8,7 faiz azalıb.
Qeyd edək ki, bu Ermənistan hökumətinin rəsmi məlumatıdır və
itkilərin dəqiq göstərildiyinə heç kim zəmanət vermir.
Rusiyanın “oximity.com” saytı isə təkcə Rusiyada iki milyondan
çox erməninin yaşadığını yazıb. Sayt bunu bir müddət əvvəl Vladimir
Putinin Rusiyanın erməni ittifaqlarının rəhbərləri ilə görüşündəki
sözlərinə istinadən bildirib.
Putin həmin görüşdə Rusiyada ən azı 2 milyon erməninin yaşadığına
işarə etmişdi.
“Təkcə 2015-ci ildə Ermənistanı 47 min insan həmişəlik tərk edib.
Ölkəni tərk edənlərin sayı 2014-cü ildə 47 min 74 nəfər olmuşdu.
18409 insan ölkəni hava yolu ilə birdəfəlik tərk edib”, - deyə sayt
yazıb.
Sayt, eyni zamanda, maraqlı bir məqama toxunur. Yazır ki, Dağlıq
Qarabağa köçürülən ermənilər bu ərazilərdə yaşamaq istəmirlər və
onlar kütləvi sürətdə İrəvana daşınırlar. Daha sonra isə paytaxtdan
Ermənistanı quru və hava yolları ilə tərk edirlər.
Asif Nərimanlı
-
Hadisə14:06
Sabiq baş pediatr özünü güllələdi - TƏCİLİ
-
Rəsmi xronika14:05
Prezidentlər mətbuata bəyanatlarla çıxış etdilər - Yeniləndi
-
MDB13:33
Simonyanın İspaniyadakı çıxışı Rusiyanı qəzəbləndirdi: Senatorlara göstəriş verildi
-
Qoroskop13:25
Gecə 03:48-də başladı: mayın 10-a qədər... - Astroloqdan ŞOK XƏBƏRDARLIQ
-
İdman12:36
Görün ulduz futbolçuların xanımları hansı peşələrdə çalışırmış - FOTOLAR
-
Magazin112:01
Cavanşir Məmmədova gələn müəmmalı zəng: son sözü bu olub
-
Sosial11:28
Sabah 31 dərəcə isti olacaq
-
Magazin111:01
Aktyor xalq artistinə belə cavab verdi: "Bu, onun başı üçün deyil"