Dünya

ABŞ bu ölkəyə daha bir batalyon göndərir

9 Fevral 2016 20:28

ABŞ Əfqanıstana yenidən əsgər göndərəcək.

Publika.az İngiltərənin “The Guardian” nəşrinə istinadən xəbər verir ki, ABŞ fevral ayının sonuna kimi bir batalyon əsgərini Əfqanıstana yollayacaq.

Məlumata görə, batalyon ABŞ və İngiltərənin 10 il ərzində Talibanı mühasirəyə almaq üçün mübarizə apardığı Helmand şəhərinə yerləşdiriləcək. Nəşr yazır ki, Talibanın uğurları ABŞ-ı Əfqanıstandakı hərbi gücünü artırmağa məcbur edir.

Xəbərdə vurğulanıb ki, Əfqanıstan təhlükəsizlik gücləri Taliban təhdidini aradan qaldıracaq gücündə deyil.

ABŞ-ın hazırda Əfqanıstanda 9.800 əsgəri var. ABŞ prezidenti Barak Obama 2015-ci ilin oktyabr ayında elan edib ki, Əfqanıstandakı ABŞ əsgərlərinin sayı ilə əlaqədar planda dəyişiklik edilib və 2017-ci ilin sonuna qədər ölkədə 5500 amerikalı əsgəri qalacaq.

Respublikaçı Partiyasından olan senatorlar isə Obamanın Əfqanıstanda əsgər sayının azaldılmasını nəzərdə tutan planını sərt şəkildə tənqid ediblər.

Ömər Dağlı