Dünya
Məruzə dərc edildi: Təyyarəni vuran “Buk” Rusiyanındır!
Ukraynanın Donetsk vilayətində “Boinq-777” sərnişin təyyarəsini vuran “Buk-M1” zenit-raket kompleksləri Kurskdan 53-cü zenit-raket briqadasının ikinci divizionunun döyüşçüləri tərəfindən Ukrayna sərhədinə çatdırılıb.
Publika.az “Reuters” agentliyinə istinadən xəbər verir ki, bu barədə beynəlxalq ekspert-jurnalist qrupu olan “Bellingcat”ın yeni məruzəsində bildirilir.
Sənədin müəllifləri müəyyənləşdiriblər ki, zenit-raket kompleksləri 2014-cü il iyun ayının 23-dən 25-dək olan tarixdə Rusiya-Ukrayna sərhədinə çatdırılıb. Bildirilir ki, zenit-raket komplekslərinin Ukraynada separatçılar, yaxud da Rusiya hərbçiləri tərəfindən idarə edildiyinə dair dəqiq məlumat yoxdur. Ancaq “Buk-M1” kompleksindən istifadənin çətin olduğunu nəzərə alan beynəlxalq ekspert-jurnalist qrupu ehtimal edir ki, komplekslərin ekipaj heyətində 53-cü zenit-raket briqadasının hərbi qulluqçuları da olub.
Məruzənin versiyası artıq Niderlandın başçılıq etdiyi beynəlxalq istintaq qrupuna təqdim edilib.
Xatırladaq ki, Malayziya hava yollarına aid sərnişin təyyarəsi iyulun 17-də Amsterdamdan Kuala-Lumpura uçarkən Ukraynanın Donetsk vilayətində vurulub. Təyyarənin göyərtəsində 298 nəfər, o cümlədən 85 uşaq və 15 heyət üzvü olub. Hadisəyə görə heç bir tərəf məsuliyyəti üzərinə götürməyib. Bu isə qarşılıqlı ittihamların bir-birini əvəzləməsinə səbəb olub.
Ötən il oktyabrın 13-də Niderland Təhlükəsizlik üzrə Məsləhət Şurası qəza ilə bağlı məruzəni dərc edib. Məruzədə deyilirdi ki, layner “Buk” zenit-raket kompleksindən atılan raketlə vurulub. Raketin Donetsk vilayətinin Snejnoe rayonundan atıldığı bildirilir.
Ömər Dağlı
-
İdman03:18
“Mançester Yunayted”in ən seksual azarkeşi - FOTOLAR
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?
-
Dünya19 Aprel 22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK